HỊHỊ LALA ANGỊNYỊ NYA ỊKỊRAYỊSỊ

Ẹlịyẹ À Tị́ Ka Jẹ́ Bwu Ẹga nya Aanahị Ịlẹ Kị La Ẹla Ọjẹ́jẹ Yẹẹyẹẹ?

Ọ-ọjịra-jịra nyahị, ahị la angịgbahị alẹng bala anyang ịlẹ kị gbịgba ha iJihova lụka ọtata lẹ. Ahị ka jẹ́-ẹ jẹ́ ang bwu ẹga nyaa jaabwọ kị bwu kpụnịrọ iJihova. Ahị ka jẹ́-ẹ taa ịtọ ẹla u-uhye nya ego nya ogu nya iJihova, ịmayẹ ịlẹ kị chịpwụrụ bwu bala abwọlẹ kị kụrụ myị bwula ụbwọ ọdada nya iJihova. Ahị dọmwụ ka jẹ́-ẹ wụrụ angị ịlịnyị wẹ ang ọjẹ́jẹ nya ugbiyegu nyahị, kahị ka byaa kị ka jahị oja nya ụka nyaa.

Kori ká tị ri ọngọgbahị ọlịnyị ọlẹ ka gbịgba ha iJihova lụka ọtata lẹ, aalẹ, ja anjwo ichiche ịlọjịra-jịra oja u-uhye nya abwọlẹ ká iJihova bwu dang ụbwọ. IJekọbụ bala iJosẹfụ kaa ja oja nya ọhịhị nyaa ju anyị nyaa ịnyịnyị. (Ọmwụ 48:21, 22; 50:24, 25) IJihova ịnyịnyị yẹhị rịrị ká alegbeju nya ugbiyegu ka mẹ ẹla jẹ anyị nyaa u-uhye nya akụrwọ ịtụka ịlẹ ká iJihova họ. (Dan 4:9, 10; Eje 78:4-7) La ahyẹẹnụ nyahị ọlẹ, adịda bala ịnịna bala angịkịla ịlẹpwụ nya ọjịra-jịra ka jẹ́-ẹ ja oja nya ang ịlẹ kị kpa ẹhị nya ịlaa yẹ, ká iJihova họ, bwula ogu nyamwụ ju ala oyi ọlịlahị.

YẸ IFIM ỌLẸ KỌ RI, KPA ỌYẸJỤ LAWỤLẸ NWA KỊLAHỊ ỤKA KỊ TỤ ỤKỤRWỌ NYAHỊ KU, KÁ WẸ ỊTỌ ẸLA ILEJI ỊLẸ:

Ányị ala egbeju-ẹpwa ọla Austria à tị́ bwu da aanahị ịlẹpwụma ịkịla ịlẹ kị tụ ụkụrwọ nyahị ku ụbwọ?
Ányị aanahị ịlẹpwụma ịịwẹ à tị́ bwu ju ọmyịmyị nyịlaa ọngịrị?
Ịịyẹ tị́ du ká aanahị ịla Romania lụmẹ-lụmẹ chị ịlaa ebwo hi ogu nya iJihova? Ányị ị tị́ bwu nyà tịrẹkpẹ?
Ányị oja nyaa ọwẹ à tị́ bwu ju ọmyịmyị nyang ọngịrị?

Ifoto ịlẹ kị gba: Ụpa ịhyẹ bwu ifim ọlẹ kọ ri ‘Kpa Ọyẹjụ Lawụlẹ Nwa Kịlahị Ụka Kị Tụ Ụkụrwọ Nyahị Ku.’ 1. Ụpwụ ọ-mẹga jẹ ọwẹ wẹẹ mẹ ẹpwụma ịlẹ kị tụ ụkụrwọ nyahị ku jẹ ụ-ụwa ọmwẹnụ-ụtụrụ nya Europe. 2. IMechini nya mimeograph. 3. Aanahị alẹng bwu ẹpwụma nya Rome wẹẹ wu awụlẹ bajẹ. — Maga nyọká jẹ́ ang lụmẹ-lụmẹ ịlẹ kị ka dang ụbwọ ju ọmyịmyị nyang ọngịrị, bwu ẹga nya angịgbahị ịlẹ kị la ẹla ọjẹ́jẹ yẹẹyẹẹ!