HỊHỊ LALA ANGỊNYỊ NYA ỊKỊRAYỊSỊ
Gwogbo Ha IJihova Bwula o-Ye Ịlahị nya Ụgbẹyị
Ala Isirẹlụ la ang lụmẹ-lụmẹ ịlẹ kọ dudu kị ka gwogbo ha iJihova. Ọ gbaa kpehe bwu ọpyị nya Ijipiti bala ọ-chaa da bwu ẹpwụtụbwọ nya alẹwụ nya ala Ijipiti! (Ehe 15:1, 2) IJihova kịnyaa la ọ-ka họ ang ịnyịịla ha angịnyị nyamwụ. Ányị ahị tị́ ka mẹ ọ-myịhị lẹhị jẹ?—Eje 116:12.
Ụgbẹyị ọhẹ ri, ọ-ka chịchịịchị ye ịlahị nya ụgbẹyị lee ọ-ka ye ịlahị nya ụgbẹyị kpụrụrụ. À ka raabwọ bịlẹ iJihova nyọka ya irya ọlịnyị hang bala ọngịrị nyọka ye ịlahị nya ụgbẹyị myị́. (Fili 2:13) Angịhyẹ lụmẹ-lụmẹ kaa dọmwụ bwula ọchịchịịchị ye ịlahị nya ụgbẹyị. À ka chụ nyọka họ awa 30 lee 50 la Ọya Ọhata bala Ọya Ohene bala ụka ká ọngọ kpẹhị rịrị isekut á ju ọjịra-jịra nyang ụga myị́. Ụka ká mọọ yẹ ka yẹ ọkẹkẹnị ọlẹ kọ juwa ẹ-ẹpwụ nya ịlahị nya ụgbẹyị oyeye kpá, à ka tịtọ nyọka ye ịlahị nya ụgbẹyị kpụrụrụ myịmyị myị́. Angịhyẹ ịlẹ kị kaa kpa ụka nyaa wuu họ ụkụrwọ lee angịlẹ kị logogo gbu ka jẹ́ ye ịlahị nya ụgbẹyị myị́. (mwb16.07 8) Ẹlịlẹhị ri, aga ọmama ọnyị myị́ ọnyị ọlẹ kahị ma nyọka gwogbo ha iJihova chịla-chịla yẹẹyẹẹ.—1Ego 16:25.
YẸ IFIM ỌLẸ KỌ RI, ANYỊNỊNA ANYANG ỊTA ỊỊ MONGOLIA, KANỤ WẸ ỊTỌ ẸLA ILEJI ỊLẸ:
Akama iyina anyịnịna anyang ịta ịwẹ à tị́ la? Ányị ị tị bwu be bwu ẹpwụ nyaa?
Āhị ọwawa iyina ị tị́ ye?
Agbẹyị inyeewe iyina à tị́ wụrụ da haa nyọlẹ kị ye ịlahị nya ụgbẹyị?
Ányị ọgụ-ẹpẹtẹ nyaa ọwẹ à tị́ bwu gu angịkịla?