ANG ỤDỤ BWU OMYI ẸLA NYA OHE OLUHYE | EHE ỌKPỤKPỤ 39-40

IMosisi Họ Ẹla Ịlẹ Ká IJihova Da Ehile Nyị Họ Kpẹẹkpẹẹ

39:32, 43; 40:1, 2, 16

IMosisi ke ụrụ kpẹẹkpẹẹ la iJihova jaabwọ kọ ka bwu nwụ́ ọdụ bala abwọlẹ kọ ka họ ang-abwọ ịlẹ kọ ka ya juwa. Ahị ịnyịnyị, ka ke ụrụ la ọmẹjẹ ọnyị myị́ ọnyị ọlẹ kị mẹjẹ́ẹhị ẹ-ẹpwụ nya ogu nya iJihova bala ọ-ka ju ihi nya ẹla ọọwa ahyaahị bwu ọkịlẹtụ nyahị wuu. Ahị ka họ ịnyị, oriri kahị yẹ ọ-baba nyọka ba ọmẹjẹ ịịwa jẹ ka lee kori kahị dọmwụ jẹ́ ang odudu kị da ehile ịịwa ka wẹwẹ.—Luk 16:10.

Ịyẹ tị́ du kahị ka ke ụrụ bala ọ-ka ba ọmẹjẹ jẹ . . .

lụka nya ọtụguru nya ẹla Ohe ọkaka?
ẹ-ẹga nya ọnwụlanọ gbe ẹla nya utoji ọ-họ kpịraka?
ẹ-ẹga nya ọnwụlanọ gbe ayịreji o-bwagaga?

Ifoto ịlẹ kị gba: Aanahị alẹng bala anyang wẹẹ ba ọmẹjẹ ọlẹ kị ye jẹ. 1. Ebwo nya aanahị ịhyẹ ta awụlẹ ẹ-ẹga ọhụhụ ọhẹ nyọka kpehe nya ẹla Ohe. 2. Ọọnahị ọnyang ọhẹ wẹẹ da eje ọchịchị nyamwụ u-uhye nya utoji ọhọhọ ju ụ-ụpwụ. 3. Ugbiyegu ọhẹ wẹẹ ya ang-abwọ ịlẹ kị ka baba nyaa lụka nya ayịreji o-bwagaga ju ị-ịbang.