Ahị Kaa Mẹ Ọháha Jẹ Bwula ọ-Chẹkpẹ Ju Ega Ọchịchị nya IJihova

Ọngịnyị o-ku kpehe hi ẹpwụ nya ogu kaa chewu ke ọjịra-jịra bala o-ri ega ọchịchị ha ọlọhobịrị ọlẹ kọ pwa la ọ-ka yẹda. (1Kọr 5:6, 11) Ụka kahị chẹkpẹ ju ega ọchịchị ụma ọlịịwẹ o-bwu ẹga nya iJihova, ahị mẹ ọháha jẹ. Ányị ẹlẹwẹ à tị́ bwu ri ẹlịlẹhị kori ká ọngịnyị o-ku kpehe hi ẹpwụ nya ogu à kaa kpa ọjụjụ nya ọkịlẹtụ wa angịlẹ wuu ká ẹlẹwẹ gu, tụ́ alugbeyigu nyahị bala angịgbahị nya ọjịra-jịra ịlẹ kị la ẹjẹ ọọwa?

Ọgụgụ wuu, ahị kaa mẹ ọháha jẹ ẹ-ẹga nya ẹnyị ọnyịịla ọlẹ ká iJihova ya deeji ha ịlọmwụ bala ehile nya ịgọgọ ọlala nyamwụ. (1Pit 1:14-16) Ịnyịnyị, ahị wẹẹ mẹ ọháha jẹ ẹ-ẹga nya ọngọlẹ kị ku kpehe hi ẹpwụ nya ogu. Ịlẹhị lẹ, ega ọchịchị ọnyọọngịrị ọḷiịwẹ jụjụ, ma “o-ya dodehe nyamwụ tị kaa ri okpunyi ọlala bala ugbe nya abwẹla ọnyịịla nya Ohe Oluhye ọnwụnwụ.” (Hib 12:5, 6, 11) Ahị wẹẹ ji ẹkpẹ da ega ọchịchị nya iJihova kori kahị yẹjula ọngọlẹ kị ku kpehe hi ẹpwụ nya ogu lee ọngọlẹ kọ chị ịlọmwụ ebwo hi ẹpwụ nya ogu. Kpịtịya, iJihova kaa chị angịnyị nyamwụ ega “ẹ-ẹpwụ nya ahyẹẹrwẹrwa.” (Jer 30:11) Jaabwọ ọlẹ kahị wẹẹ chẹkpẹ ju ega ọchịchị nya iJihova bala ọ-họ ang myị́ ang ọlẹ kahị ka họ nyọka ju igu oriri nyahị bala iJihova ọngịrị, ahị kaa ya ẹhị rịrị ká ọngọọwa ka tịrẹkpẹ wẹ ẹga nya Adahị ọlahyẹẹrwẹrwa.​—Ayị 1:16-18; 55:7.

YẸ IFIM ỌLẸ KỌ RI, MẸ O-GODAYỊ GIRI-GIRI JẸ LA ỌKỊLẸTỤ OOKPOKPO, KANỤ WẸ ỊTỌ ẸLA ILEJI ỊLẸ:

• 

  Ọjụjụ nya ọkịlẹtụ ọlányị adịda bala ịnịna ịlẹ kị ri Angịnyị nya ịKịrayịsị à tí kaa la ụka ká ọnyị nyaa rụ hi iJihova?

• 

  Ányị ala ọjịra-jịra à tị́ ka jẹ́-ẹ da alugbeyigu ịlẹ kị godayị giri-giri ụ-ụbwọ?

• 

  Ọ-chụ pwokwita ọlẹpwụ nya ịBayịbụụ oyina à tị́ mẹjẹ́ẹhị nyori o-godayị giri-giri ha iJihova baba gụ o-godayị giri-giri ha alugbiyegu nyahị?

• 

  Ányị ahị tị́ ka hu o-godayị giri-giri nyahị ẹ-ẹga nya iJihova kụ ịlahị gụ ọlẹga nya alugbeyigu nyahị?