Chị Eje Ọnyịịla u-Uhye nya Ere Ọnyọọngịrị

Angịnyị nya ịKịrayịsị wuu baba kị ka wu ịlaa kpa ẹ-ẹga nya ere ọnyọọngịrị. (Etu 23:20, 29-35; 1Kọr 6:9, 10) Kori ká Ọngịnyị nya ịKịrayịsị á chị eje nyọka nwa ere aalẹ, ọ ka họ ịnyị meme labwọ. Ịnyịnyị, ọ ka cheji ba hi ọ-ka kpụnịrọ ere ọnyọọngịrị bala ọ-ka chị angịkịla mileji ka. (1Kọr 10:23, 24; 1Tim 5:23) Áhị ka họ ọngọngọhẹ, ọgụgụ wuu, anjwo ichiche ka la irya nya ere ọnyọọngịrị ọnwanwa kpong-kpong ka.

YẸ IFIM NYA ARỤRỤ ỊGBAGBA ỌLẸ KỌ RI KỤ IRYA KPOYE NYA ERE ỌNWANWA, KANỤ WẸ ỊTỌ ẸLA ILEJI ỊLẸ:

• Ịịyẹ tị́ du ká Angịnyị nya ịKịrayịsị ka ju ihi nya ehile u-uhye nya ere ọnyọọngịrị ọnwanwa?​—Rom 13:1-4

• Ịịyẹ tị́ du kahị ka cheji ba hi ọ-ka ya iwe da ká angịkịla ka pịrịịhị ju ka ẹpwụ nya ere ọnyọọngịrị ọnwanwa?​—Rom 6:16

• Ányị ahị tị́ ka bwu cheji ba hi iwe-ahụrụ ịnyaa-nyaa ịlẹ kị gu ere ọnyọọngịrị ọnwanwa?