‘Kpa Anyang Ịgbahị Lala Ịnang ọ-Mang Ma, Ká Kpa Ịyẹẹnọ Lala Anyịnang Anyang’

Ụpwụ Ịgọgọ ya ahị nyị kpa Angịnyị nya ịKịrayịsị ịlẹ kị ri angịgbahị lala o-ri nyị ri ịnahị bala adahị ị-mahị ma, kahị nyị kpa anjwo ichiche ịlẹpwụ nyahị lala anyịnahị bwu ẹpwụ ịnyịnyị. (Wa 1 iTimoti 5:1, 2.) Aanahị alẹng gụgụụgụ baba nyọka kpa aanahị anyang lihi-ihi yẹẹyẹẹ.

Ọngọngọhẹ nya ọọnahị ọlẹng á chị ụmwara o-pwoku ka ta ọọnahị ọnyang ọhẹ-lọhẹ kpong-kpong ka lee ọ-họ ịngịngịhyẹ ọlẹ kọ ka du ká ọọnahị ọnyang ka da chaa ẹ-ẹga nyamwụ ka lẹka. (Job 31:1) Ọọnahị ọlẹng ọlẹ kọ ye ahụ lẹka, á họ ẹla ụ-ụgbẹyị ọlẹ kọ ka ya ahị ọdahile ha ọọnahị ọnyang ọhẹ-lọhẹ nyori ọ la irya nyọka yọọ, kọ́ tị la irya ọlịnyị ka lẹka.

Angịgbahị nya ọjịra-jịra ka la irya ọdụmwọ nyịlẹhị-ịlẹhị ẹ-ẹga nya aanahị anyang kori kị tọ ịtọ ẹla ẹ-ẹpwụ nya ihi ojuju lee kori kị ya ụchụ me ịngịhyẹ ọlẹ kọ baba nyọka kụ ẹhị yẹ. Ọgụgụ wuu, angịgbahị ka kpa angịlẹ kị la ọrụ juwa ka chewu kaa kaka i-irya.​—Rut 2:8, 9.

YẸ IFIM ỌLẸ KỌ RI MẸ ỌHÁHA O-GBU ENYI-KA JẸ ỌỌJỊRA-JỊRA​—Ẹ-ẸGA NYA ỊHỤ-EGU BALA ANYỊ-EGU, KANỤ WẸ ỊTỌ ẸLA ILEJI ỊLẸ:

• 

  Ányị ala ọjịra-jịra à tị́ bwu mẹ ọháha o-ju ọchụ me ka jẹ ẹ-ẹga nya ọọnahị Myint?

• 

  Ányị ọháha ọlẹ ká ala ọjịra-jịra mẹjẹ à tị́ bwu ri ang ẹjẹẹ nya ibeenu oriri ọnyịịla ha epweji ọwẹ?

• 

  Ányị ọháha ọlẹ ká ala ọjịra-jịra mẹjẹ à tị́ bwu gu anyị anyang nya ọọnahị Myint?

Agbẹyị iyina a tị́ ka jẹ́-ẹ bwu mẹ ọháha jẹ ẹ-ẹga nya aanahị anyang ịla ọjịra-jịra nyang?