Jaabwọ Á Ka Họ ká Ọtụguru Nyọka Kpehe nya Ẹrụ Ọnyịịla ọ-Kpa Pyẹ Ka Ju Apyobwuna Gụ Ọwọwa

Ọtụguru nyọka kpehe nya ẹrụ ọnyịịla ọ-kpa pyẹ, tụ́ ọjịra-jịra ịkịla wuu, ri ang ịlẹ ká iJihova ya hahị nyọka dahị ụbwọ chajị kahị ka jẹ́-ẹ du awụlẹ ju ọháha ọlala bala akụrwọ ịnyịịla ịhọhọ. (Hib 10:24, 25) Ọtụguru ọwẹ-ẹ́ ka gu iminiti ịrụ ka irwiye kaka, tụ́ ọ-ka nwụla ebwo ọnyọnyọọnyị nọ, ọ-ka chụ ẹga ọlẹ kị wẹẹ ka kpehe ka, bala ọ-ka raabwọ. (Kori ká ọtụguru ọwẹ a ji dịrẹ ọjịra-jịra ọkịla aalẹ, ọ baba kọ dọmwụ ka la kpii gụ ọwẹ wẹẹ.) Ọngọkpịlahị ka nwụla ẹla ọhẹ nọ neeji nyọka da angịlẹ kị wẹẹ ka kpehe ẹnẹwẹ ụbwọ. Ọ-chụ pwokwita, ẹnụ nya ịSatudee ọlẹ ká angịnyị lụmẹ-lụmẹ ịlẹ kị kpehe nya ẹrụ ọnyịịla ẹ-ẹpwụ nya epwihi ọkẹkpẹ ka kaa kpehe wẹẹ, ọ ka há nyọka ya ẹla u-uhye nya ẹla ọlẹ kahị ka ya ta ọngọlẹpwa. Egbeju nya ẹla i-ju apyobwuna ịkịla iyina ahị tị ka ya ẹla rụ́?

• Ụgbẹyị ọlẹ áhị ka bwu ya ẹla bwu ụpwụ nya Ọhịhị Bala Ụkụrwọ Nyahị Ahị Angịnyị nya ịKịrayịsị—Ụpwụ ọ-Kpa Jẹ́ Ang

• Jaabwọ á ka bwu kpa ẹla ịlẹ kị họ kpangjẹ lee oja ịlụpwụ nya oja dọmwụ nya ẹla oyaya

• Jaabwọ á ka bwu wẹ ịtọ ẹla ịhyẹ ịlẹ kị kaa tọ u-uhye nyahị

• Jaabwọ á ka bwu wẹ ịtọ ẹla nya angị da ịwẹẹ ẹla, angị myị nyori ang nyị ji lịlaa, angịlẹ kị kaa ya oja ọkịla, lee ọngọlẹ kọ ri ala ịgba ọgbagba ọlẹ kị jẹ́ nwa o-oye nyang ka

• Jaabwọ á ka bwu kpa ang ịlẹpwụ nya ịwẹbsayịtị nya jw.org, JW Library^® app, lee ẹla ịlẹpwụ nya ịBayịbụụ họ ụkụrwọ

• Jaabwọ á ka bwu kpa ang-abwọ ọhẹ bwu ẹpwụ nya Ang-abwọ Ịlẹ Kahị Kaa Kpa Mẹ Ang Jẹ họ ụkụrwọ

• Jaabwọ á ka bwu ya ẹrụ ọnyịịla la ụgbẹyị ọdatị, lala ifon ọ-kpa ya ẹla Ohe, ileta ọdada, ẹrụ ọnyịịla ọ-kpa pyẹ ẹ-ẹpwụ nya alụma, ọmwẹẹkpẹ ka lee ịBayịbụụ ọjẹ́jẹ

• Ịtịya ọkpụkpụ u-uhye nya ewu ọ-chị ke, olegu nyọka jẹ́-ẹ nwụhọ pwoku iwe-ahụrụ, abwẹla ọnyịịla ọlala, irya ọnyịịla ọlala lee abwẹla ịkịla ụma ịlịịwẹ

• Ang ọjẹ́jẹ lee ifim bwu ụpwụ ọlẹ kọ ri Họ Ụkụrwọ nya Ụpwụ Ọwawa Bala Ang Ọmẹjẹ

• Jaabwọ á ka bwu ju ọngọkịla ọlẹ kanụ kaa bajẹ lawụlẹ ẹ-ẹpwụ nya ẹrụ ọnyịịla ọ-kpa pyẹ ọhụ

• Ụpwụ ịgọgọ ọlẹ kọ gu ẹrụ ọnyịịla ọ-kpa pyẹ lee ẹla ọ-họ ju ẹjẹẹ ọlẹ kọ ka ju ọngịnyị ọhụ