KPA ẸRỤ ỌNYỊỊLA PYẸ YẸẸYẸẸ | YE ỌKẸKẸNỊ Ẹ-ẸPWỤ NYA ẸRỤ ỌNYỊỊLA Ọ-KPA PYẸ NYANG
Da Angịlẹ Á kaa Mẹ ỊBayịbụụ Jẹ Ụbwọ Nyọka Ka Ọjịra-jịra
Ọjịra-jịra nyahị ri ụpa nya ịgba ọgbagba ocheri-cheri ọlẹ kọ baba yẹẹyẹẹ. (Eje 22:22) Angịlẹ wuu kị kaa tụgụrụ nyọka gbịgba ha iJihova kaa ye ọkẹkẹnị bala ahị ọwawa. (Eje 65:4) Angịlẹ kahị kaa mẹ ịBayịbụụ jẹ kaa nwà kịlahị ẹ-ẹpwụ nya ang nya olegu hyaa-hyaa kori kị dọmwụ nya ọjịra-jịra owewe ụka myị́ ụka.
Ányị a tị́ ka da angịlẹ ká ka mẹ ịBayịbụụ jẹ ụbwọ nyọka wẹ ọjịra-jịra? Kịnyaa la ọ-ka wụrwaa wẹ ọjịra-jịra. Mẹ ifim ọlẹ kọ ri Ịyẹ ị Tị-ị Họ U-ube nya Ịpyị Adịrahụ? jáa. Ya apyobwuna nya ọjịra-jịra ọwẹwẹ jaa. (lff ang ọjẹ́jẹ 10) Ọhẹka à ka ya ẹla ọhẹ ọlẹ ká jẹ kpangga jaa myị́ lee ẹla ọlẹ kị ka mẹjẹ ọọjịra-jịra ọkịla. Ya apwụ ịlẹ kị ka kpa mẹ ang jẹ́ ụ-ụwa ọọjịra-jịra haa. Ịnyịnyị, daa ụbwọ ẹ-ẹga kị ka baba nya ụbwọ ọdada. Ọhẹka, ị ka baba nya ọngịnyị ọ-ka hwaa ang ọrụnyẹ wẹ ọjịra-jịra. Ẹta-ẹdịyẹ ọnyị myị́ ọnyị ọlẹ ká hu nyọka da angịlẹ á kaa mẹ ịBayịbụụ jẹ ụbwọ kị ka wẹ ọjịra-jịra lụka nya ọgbanyẹ-ọgbanyẹ kpịnya yẹẹyẹẹ.—1Kọr 14:24, 25.
YẸ IFIM ỌLẸ KỌ RI DA ANGỊLẸ Á KAA MẸ ỊBAYỊBỤỤ JẸ ỤBWỌ NYỌKA KA ỌJỊRA-JỊRA, KANỤ WẸ ỊTỌ ẸLA ILEJ ỊLẸ:
Iwe oyina Inori à tị́ kpa nyọka wụrụ Agidi ka ọjịra-jịra?
Ịyẹ tị́ du kahị kaa chị ọkẹkẹnị ụka ká ọngọlẹ kahị kaa mẹ ịBayịbụụ jẹ á dọmwụ nya ọjịra-jịra ọwẹwẹ?
“Ohe Oluhye juwa ẹ-ẹpwarịrị nyanụ ịnyịlẹhị”
Ịyẹ à tị́ họ ta Agidi ụka kọ ka ọjịra-jịra lụka nya ọgbanyẹ-ọgbanyẹ?