Da Angịlẹ Á kaa Mẹ ỊBayịbụụ Jẹ Ụbwọ Nyọka Ri Oligu Bala IJihova La Apatabwọ Kiwa Ka

IJihova tịtọ kahị ka gbịgba họọ chajị nyori ọ háahị. (Mat 22:37, 38) Ọháha ọlẹ ká angịlẹ kahị kaa mẹ ịBayịbụụ jẹ la ẹ-ẹga nya Ohe Oluhye, a ka gwaa gbịla nyọka nwụ ọhịhị nyaa rịrị bala ọ-ka godayị giri-giri ẹ-ẹpwụ nya ịmayẹ lẹ. (1Jọn 5:3) Ọháha ọlẹ kị la ha Ohe Oluhye a ka gwaa gbịla nyọka hu enyi Ohe ịnyịnyị lẹ.

Da angịlẹ a kaa mẹ ịBayịbụụ jẹ ụbwọ nyọka yẹ ọháha nya Ohe Oluhye ẹ-ẹga nyaa. Tọ ịtọ ẹla lala: “Ẹlịyẹ ẹla ọwẹ à tị́ mẹjẹ́ng u-uhye nya iJihova?” lee “Ányị ọwẹ à tị́ mẹ ọháha nya Ohe Oluhye jẹ?” Daa ụbwọ kị ka yẹ jaabwọ ká iJihova wẹẹ da ọngọngọọgụ nyaa ụbwọ. (2Ego 16:9) Ya ọ-chụ pwokwita ịhyẹ jaa jaabwọ ká iJihova bwu wẹ abwọ ọrịrị nyang ịhyẹ kpangga, ká jwaa ọhụ nyọka yẹhị reeji kị ka yẹ jaabwọ ká iJihova ka wẹ abwọ ọrịrị nyaa ịnyịnyị. Ahị kaa chị ọkẹkẹnị ọtụka-ọtụka ụka kahị yẹ jaabwọ ká angịlẹ kahị kaa mẹ ịBayịbụụ jẹ, a ye ọháha nya iJihova myị bala ọ-mẹ ọháha nyaa jẹ ẹ-ẹga nyamwụ bala ọ-tịtọ nyọka ri oligu nyamwụ ịnyịnyị.

YẸ IFIM ỌLẸ KỌ RI DA ANGỊLẸ Á KAA MẸ ỊBAYỊBỤỤ JẸ ỤBWỌ NYỌKA RI OLIGU BALA IJIHOVA LA APATABWỌ KIWA KA, KANỤ WẸ ỊTỌ ẸLA ILEJI ỊLẸ:

• 

  Ọmayẹ oyina à tị́ chị Agidi ọgụ?

• 

  Ányị Inori à tị́ dọọ ụbwọ?

• 

  Ányị Agidi à tị́ bwu kụrụ ọmayẹ ọọwa?