“Ọháha . . . Kaa La Ẹhị Ọrịrịị-rịrị”

Ọháha kaa guhi gbịla nyọka la ẹhị ọrịrịị-rịrị nyori aanahị ka chị eje ọnyịịla. (1Kọr 13:4, 7) Ọ-chụ pwokwita, kori ká ọọnahị ọhẹ á họ ọhọbịrị kị yalibyi lọọ, ahị la ẹhị ọrịrịị-rịrị nyori ọ ka ye ọ-nwụrịrị ọọwa myị. Ahị kaa ju ugbodu bala angịlẹ ká ọmyịmyị nyaa la dẹwụ-dẹwụ, bala ọ-maga nyọka daa ụbwọ. (Rom 15:1) Kori ká ọngọhẹ á gba ịlọmwụ kpehe hi ogu nya iJihova, ẹhị ọrịrịị-rịrị nyahị á kaa gụhị myị́ ẹ-ẹga nyamwụ ka. Ahị kaa yẹhị rịrị nyori ọ ka tịrẹkpẹ myị́ ẹnẹhẹ wẹẹ.​—Luk 15:17, 18.

YẸ IFIM ỌLẸ KỌ RI, KPỊTỊYA NYA ANG ỌLẸ KÁ ỌHÁHA NYA ỊLẸHỊ RI​—Ọ KAA LA ẸHỊ ỌRỊRỊỊ-RỊRỊ, KANỤ WẸ ỊTỌ ẸLA ILEJI ỊLẸ:

• Ányị o-godayị giri-giri nya Abner à tị́ yẹda?

• Ányị à tị́ ri ọhọhọ nya iDevidi bala iJowabụ u-uhye nya ọbịlẹ-bịlẹ nya Abner?

• Ịyẹ tị́ du kahị ka la ẹhị ọrịrịị-rịrị ọnyịịla ẹ-ẹga nya aanahị?