Ka Ẹga ká Ọbaba Ji

A baba nya ọmyịmyị nyọka mwụ rụ bwu ẹga ká jẹ́ yẹẹyẹẹ ka ẹga onyeewe chajị nyọka kpa ẹru ọnyịịla pyẹ gụ ọọwa. (Hib 11:8-10) Kori á ja me irya nyọka rụ ka ẹga ká ọbaba ji aalẹ, ya ẹla bala angịgbahị nya ọjịra-jịra nyang. Ịyẹ à tị́ ri ịngịhyẹ ịlẹ ká ka họ nyọka jẹ́ kori ká ka jwọọ họ myị́ bala ọ-ka chụ ẹga ọlẹ ká ka ka? Kụ ẹhị yẹ apwụ ịlẹ kị da kpehe u-uhye nyọka rụ ka ẹga ká ọbaba ji. Ya ẹla bala angịlẹ kị rụ ka ọjịra-jịra ọkịla nyọka da ụbwọ. (Etu 15:22) Bịlẹ iJihova bwula abwọ ọrịrị nyọka kpang ụgbẹyị. (Jem 1:5) Mwahị nya ẹla u-uhye nya ẹga ọlẹ ká chụ bala o-ju ẹga ọwa ụga nyọka jẹ́ iwe-ahụrụ ọlụwa kori kọ chịkpẹẹ ene ká ka cheje.

YẸ IFIM ỌLẸ KỌ RI KPA ỌMYỊMYỊ JU KA ỤGBẸYỊ NYA ỤKỤRWỌ ỌLẸ KỌ WỤRỤ—KA ẸGA KÁ ỌBABA JI, KANỤ WẸ ỊTỌ ẸLA OLEJI ỌLẸ:

• Ịmayẹ iyina Gabriel à tị́ kụrụ myị́? Ịyẹ à tị́ dọọ ụbwọ?