HỊHỊ LALA ANGỊNYỊ NYA ỊKỊRAYỊSỊ
IJihova Kaa Dahị Ụbwọ Bọhụ ẹ-Ẹpwụ nya Ịmayẹ Nyahị
La ahyẹẹnụ ihyẹẹkpẹ ịlẹ, ahị kaa la ịmayẹ ịlẹ kị lujwo. Ụka ọhẹ ọ-ka lahị lala o-ri olo nya ịmayẹ nyahị nyị kịlahị kịla la ọkpakpa myị. Ma, kori kahị kịnyaa ja tụ ju iJihova chwẹẹ, ọ ka dahị ụbwọ nyọka bọhụ kori ká ịmayẹ ịịwa á lujwo kaka kpoye wẹwẹ. (Ayị 43:2, 4) Ányị ahị tị́ ka tụ ju iJihova chwẹẹ ụka kahị ja chịpwụrụ bwu ịmayẹ?
Abwọ ọrịrị. Ụka kahị ya ẹla ọlọkịlẹtụ nyahị wuu je iJihova, ọ kaa ya okpunyi nya ọkịlẹtụ bala ọngịrị ọlẹ kọ ka dudu kahị ka jẹ́-ẹ ju ugbodu myị hahị.—Filip 4:6, 7; 1Tẹs 5:17.
Ọjịra-jịra. Ọlẹẹlẹẹ gụgụgụ, ahị baba nya ang oriri nya olegu bala ọ-yẹjula awụlẹ ọlẹ ká iJihova wẹẹ ya hahị ọọjịra-jịra nyahị lẹ. (Hib 10:24, 25) Ụka kahị nwụlanọ, ka ọjịra-jịra, bala ọ-wẹ ịtọ ẹla ụ-ụwa, ahị kaa ye ụbwọ ọdada yẹẹyẹẹ bwu ẹga nya olegu ịgọgọ nya iJihova.—Ọwụ 2:29.
Ẹrụ ọnyịịla ọ-kpa pyẹ. Ọ-ka chịhị kpẹẹ nyọka ya irya nyahị nịrọ ang ịnyịịla kori kahị họ ang ọlẹ kahị ka ju họ myị́ nyọka kịnyaa la ẹrụ ọnyịịla o-ya je angịkịla. Ahị kaa ju igu oriri nyahị bala iJihova ọngịrị bala ịnya angịlẹ ahị wẹẹ họ ụkụrwọ lawụlẹ.—1Kọr 3:5-10.
YẸ IFIM ỌLẸ KỌ RI IJIHOVA KA YENG BAJẸ, KANỤ WẸ ỊTỌ ẸLA ILEJI ỊLẸ:
Ịyẹ à tị́ da Malu ụbwọ du kọ yụbwọ chị iJihova gogo ụka nya ịmayẹ nyamwụ?
Lala Malu, ányị omyi ẹla ọla Eje Ọnyịịla 34:18 à tị́ ka kpa ẹjẹ ọkpụ́kpụ wahị ụka nya ịmayẹ nyahị?
Ányị oja nya Malu à tị́ mẹjẹ nyori iJihova kaa ya “ọngịrị ọgụgụ ọtụka” nyamwụ hahị ụka nya ịmayẹ?—2Kọr 4:7