HỊHỊ LALA ANGỊNYỊ NYA ỊKỊRAYỊSỊ
Ị Myị Ẹrụ Hahị La Ọngịrị Nyaa Wuu
Angị kpẹhị rịrị isekut bala ịhụ nyaa kaa mẹ ọháha nyịlẹhị-ịlẹhị jẹ ẹ-ẹga nya angịlẹ kịị myị ẹrụ haa. Lala ahị wuu, ịị la ọbaba nya ịlaa ịnyịnyị bala ịnyịrọ ọ-chị pyẹpyẹ ụka ọhẹ, ọkịlẹtụ ọ-kpaa enyi, bala imahị omeme. (Jem 5:17) Ọkọkọ nyọka kụ irya ju ala ịwẹ, epwihi ọnyị myị́ ọnyi ị kaa ya irya nyaa nọ ẹga nya abwọlẹ kị ka bwu ju aanahị alẹng bala anyang ịla ọjịra-jịra ịlẹ kị wẹẹ ka wụlayẹ ọhụ. Lẹ, ọchịla kahị ka ju angị kpẹhị rịrị isekut “ihi hiigu-hiigu.”—1Tim 5:17.
Ụka ká ọngọ myị ẹrụ ịPọlụ nwụlanọ nyọka ká iRom kaka wụla alọjịra-jịra ọlụwa yẹ kọ ká “chị ịhaha nya Olegu Ịgọgọ nya Ohe Oluhye ịhyẹ ehe’ ’ haa, ọ yẹhị rịrị gbe “ọhụ ojuju” ọlẹ kọ ka yé bwu ẹga nyaa. (Rom 1:11, 12) A kụ irya nya abwọlẹ a ka bwu ju ọngọ kpẹhị rịrị isekut nyang bala ahụ nyamwụ ọhụ kori kọ ye ahụ lẹ?
YẸ IFIM ỌLẸ KỌ RI ỌHỊHỊ NYA ANGỊ KPẸHỊ RỊRỊ ISEKUT ỊLẸPWỤ NYA ẸPWA, KANỤ WẸ ỊTỌ ẸLA ILEJI ỊLẸ:
Ụgbẹyị oyina angị kpẹhị rịrị isekut bala ịhụ nyaa à tị́ kaa bwu mẹ ọháha jẹ ẹ-ẹpwụ nya ọjịra-jịra?
Apyobwuna oyina ahụ lịlọng à tị́ yé bwu ẹga nyaa?
Ányị ahị tị́ ka bwu jwaa ọhụ?