HỊHỊ LALA ANGỊNYỊ NYA ỊKỊRAYỊSỊ
Angịgbikpịlọ Ịlẹ Kị Họ Ụkụrwọ Chajị nya Ọháha nya Angịnyị nya IJihova
Iru nya angịnyị á kaa kpa ẹhị ọnyịịla yẹ angịlẹ kị kpa ọngịrị ụ-ụbwọ ka. Ahị ka kpaa abyị? Chajị ọtata nyọlẹ ká angịnyị wẹẹ kpa ọngịrị ọlẹ kị la yẹ angịkịla ụhị chajị nya apyobwuna nya ịlaa kem. (May 7:3) Ọ myịhị lẹhị lụmẹ nyori, ị mẹjẹ angịgbahị nya ọjịra-jịra jaabwọ kị ka kpa ọngịrị nyaa họ ụkụrwọ chajị nya ọháha nya angịnyị nya iJihova.—Ẹsịt 10:3; Mat 20:25, 26.
Ọkọkọ nyọka họ lala angị kpa ọngịrị ụ-ụbwọ ám̀ odehe lẹ, angịgbahị nya ọjịra-jịra kaa tịtọ nya iwe-ahụrụ nyọka kpịlahị chajị nya ọháha ọlẹ kị la ẹ-ẹga nya iJihova bala angịnyị nyamwụ ịnyị. (Jọn 21:16; 1Pit 5:1-3) E-ekpeleji nya ịlahị ọkpakpa nya iJisọsị, angịgbikpịlọ ịwẹ kaa da angịnyị nya iJihova ọnyị myị́ ọnyị ụbwọ nyọka la ọhụ obeji ẹ-ẹpwụ nya ugbiyegu nya iJihova ọlẹ kahị lẹẹ gbịgba lawụlẹ bala ọ-ka tụ ju iJihova chwẹẹ. Ị kaa yẹhị neeji nyọka da ịkpịlọ nya iJihova ụbwọ ahyaahị ụka kị baba nya ụbwọ ọdada ẹ-ẹpwụ nya olegu lee ụka ká ẹla o-bwu agaga nya ẹla nya utoji a kpeji lee ụka ká ayịreji o-bwu agaga á họ. Kori ká baba nya ụbwọ ọdada aalẹ, ọ ka há kori ká hu ẹta-ẹdịyẹ nyọka kele kaka tọ angịgbahị ịla ọjịra-jịra nyang.—Jem 5:14.
YẸ IFIM ỌLẸ KỌ RI ANGỊGBIKPỊLỌ ỊLẸ KỊ KAA KPẸHỊ RỊRỊ ỊKPỊLỌ NYAA, KANỤ WẸ ỊTỌ ẸLA ILEJI ỊLẸ:
Ányị Mariana à tị́ yé apyobwuna bwu ụbwọ ọlẹ ká angịgbahị nya ọjịra-jịra dọọ?
Ányị Elias à tị́ yé apyobwuna bwu ụbwọ ọlẹ ká angịgbahị nya ọjịra-jịra dọọ?
Ẹhị oyina oja nyaa ọwẹ à tị́ mẹjẹ́ng ká ka kpa yẹ ụkụrwọ nya angịgbahị nya ọjịra-jịra?