ỌYA ỌHANEKU 18-24

ETU 27

Eje 102 Bala Abwọ Ọrịrị | Ẹla ọ-Kpa Wụrụ Ọjịra-jịra (Iminiti 1)

ANG ỤDỤ BWU OMYI ẸLA NYA OHE OLUHYE

1. Abwọlẹ Kahị Kaa Yé Apyobwuna Bwu Ẹga nya Aligu Ịnyịịla

(Iminiti 10)

Aligu ịnyịịla kaa yalibyi lahị ụka kahị baba nyamwụ (Etu 27:5, 6; w19.09 5 ¶12)

Aligu ịnyịịla ka jẹ́-ẹ ji iwe-ahụrụ ọlẹ kị ka dahị ụbwọ gụ alugbeyigu nyahị (Etu 27:10; it-2 491 ¶3)

Aligu ịnyịịla ka jẹ́-ẹ dahị ụbwọ nyọka ri angịnyị ịnyịịla (Etu 27:17; w23.09 10 ¶7)

Ọọnahị okolobya ọwẹ wẹẹ da ọọnahị ọgbahị ọwẹ ụbwọ ya ẹla ta ịdonkita.

2. Ang Ụdụ nya Olegu

(Iminiti 10)

Etu 27:21—Ụ-ụgbẹyị oyina oja ọ-mịla hahị à tị́ ka jẹ́-ẹ mahị yẹ? (w06 9/15 19 ¶12)

Ọwẹwẹ nyang
Ẹla i-ju apyobwuna iyina a tị́ jẹ́ bwu ịBayịbụụ ọwawa nya epwihi ọlẹ?

Ọwẹwẹ nyang

3. ỊBayịbụụ Ọwawa

(Iminiti 4) Etu 27:1-17 (th ang ọjẹ́jẹ 5)

KPA ẸRỤ ỌNYỊỊLA PYẸ YẸẸYẸẸ

4. Dọmwụ nya Ẹla Oyaya ụ-Ụgbẹyị Ọnyịịla

(Iminiti 3) BWU ẸPWA KA ẸPWA. Ọngọọwa á ri ọngịnyị nya ịKịrayịsị ka. (lmd ang ọjẹ́jẹ 6 ẹhị nya ẹla 5)

5. Kpa Ang Ọjẹ́jẹ Kịlahị

(Iminiti 4) ẸLA OHE OYAYA LỤKA Ọ-KPAHỊ JU KA. Mẹ ifim ọhẹ jẹ bwu ẹpwụ nya Ang-abwọ Ịlẹ Kahị Kaa Kpa Mẹ Ang Jẹ, ká ya ẹla u-uhye nyamwụ. (lmd ang ọjẹ́jẹ 8 ẹhị nya ẹla 3)

6. Ẹla Oyaya

(Iminiti 5) ijwyp ang ọjẹ́jẹ 75—Egbeju nya Ẹla: Ịyẹ M tị́ ka Họ Kori ká Oligu Nyam a Họ Ẹla Wụm Ẹjẹ? (th ang ọjẹ́jẹ 14)

HỊHỊ LALA ANGỊNYỊ NYA ỊKỊRAYỊSỊ

Eje 109

7. “Aanịna-à Yẹrwa nya Awụlẹ Lụka nya Ọbaba”

(Iminiti 15) Ẹla o-ya lawụlẹ.

IJihova ya ogu nya aanahị chị odehe ọnụ wuu hahị ịlẹ kahị ka jẹ́-ẹ yé aligu ịnyịịla bwu ẹpwụ nyaa. Nanana nyori ahị ka jẹ́-ẹ ri igu bala aanahị wuu ẹ-ẹpwụ ọjịra-jịra myị, angị ịmanyị à tị́ ri aligu ilikẹjẹ nyahị? Ahị ka jẹ́-ẹ ri aligu ịnyịịla bala angịkịla ụka kahị jé awụlẹ yẹẹyẹẹ, dahịhile awụlẹ, ya ẹla u-uhye nya abwọlẹ ká ẹla kaa lahị ju awụlẹ, họ ang lawụlẹ bala ọ-da awụlẹ ụbwọ. Lẹ, igu oriri kaa ye ụka bala o-ju aga ọmama ẹ-ẹpwụ.

Wa Etu 17:17. Ká tọ alọjịra-jịra wo:

Ịyẹ tị́ du kọ há nyọka nwụ́ igu oriri ọnyịịla lẹẹlẹẹ ene ká akama ọtụka okpelego ka dọmwụ?

Ọwẹwẹ nyang

Wa 2 Ala ịKọrịntị 6:12, 13. Ká tọ alọjịra-jịra wo:

Ányị ọ-kpa ẹla ịla ọgba ịwẹ họ ụkụrwọ à tị́ ka dahị ụbwọ nyọka ri igu bala angịkịla?

Ọwẹwẹ nyang

Ụpa ịhyẹ bwu ifim ọlẹ kọ ri “‘Ụka nya Ang myị Ang” Ji—Igu Oriri kaa Yẹ Ụka.” Ọgọr wẹẹ ya olo ha Ben, ị hụhụ wẹ ẹ-ẹga ọ-da olo ọ-da la ụbwọ.

Yẹ IFIM NYA Ọ-HỌ MẸJẸ ọwẹ “Ụka nya Ang myị Ang” Ji—Igu Oriri kaa Yẹ Ụka. Ká tọ alọjịra-jịra wo:

Ẹlịyẹ a tị́ jẹ́ u-uhye nya igu oriri bwu ifim ọwẹ?

Ọwẹwẹ nyang

A ka jẹ́-ẹ dọmwụ nya o-wu ọngịnyị igu bwula umwẹhụ ọchịchị lee ọnụ ọdachị kpẹnẹẹ, ọọwa a kpa igu ọọwa wule bwula ọ-maga nyọka jẹ́ ọngọọwa gụ́ olene lẹlẹ. O-wu ọngịnyị igu bala ọ-họ ká igu ọọwa ka nwà kaa ye ụka, lẹ ju ugbodu mẹ. Ocheju nyamwụ kaa ri igu o-gboyi myị́ oyi.

8. ỊBayịbụụ Ọjẹ́jẹ nya Ọjịra-jịra

(Iminiti 30) lfb ang ọjẹ́jẹ 10-11