YỌ 8

Tetuu kí Bịmẹẹ́nị Jesus Fị Nị Ị Pị́rị́ma Ó?

Jesus fịmị́ anịkị́ wóni ụndụ nǎnangị bịmẹẹ́nị. John 3:16

Jesus fịtimí tǎraa erein bụọdọ ifie bi, dụa eréamịnị mú wo dụwẹ́ị́ogugu bi diimi má kẹnịyé kpọ wo ghó fa’abara ẹrịmị. Jehovah Jesus mịẹ fị ghọ́ seriídọ́.

Jesus appears to his apostles, then later ascends to heaven

Jesus bịsá ifie bụọdẹ bị ọngọ pǎamọ wo fịrịmọ́paaotu pịrị nị ẹrị́mị́.

Íin, Jehovah Jesus mịẹsérí bóni ụndụ́ nǎnadọ, kụrọnaná má běnebene fịghá tẹmẹanga kịmị kọghọ pǎadọ. Jesus ọgọnọ bị́ uwou timi ifie bi wo tuudú’otu wo ẹ́rịmị.

Ọkpọnanáowei Jesus mịẹ fị ghó seriimí má wo ákị nị Ọkpọnanáowei Daabụọ Amananaowei tụamị. Daniel 7:13, 14

From his throne in the Kingdom, Jesus rules over the people on a paradise earth

Jesus paaraịsaa gbẹ́ẹ naá kị̌mịọwọụama pịrịngị bịmẹẹ́kọ wo ụndụ́ dịẹ pǎamọmị. (Matthew 20:28) Bịsá paaraịsaa bịmẹẹ́nị, Ọkpọnanáowei bẹseríbẹserí ụndụ nanangịyọ mịẹpǎamọ wó pịrịdọ́.

Bei kíríogbo daangị bịmẹẹ́nị Jehovah Jesus sẹlẹ nị Amǎnanaowei tụ̌adọ. Gbanaịnbolóú nana kịmịama 144,000 nị kíríogbo duo fị ghó serií ni ọgọnọ ghọ mudọ́otu ki ụ mọmọ́ tǐmingimi. Jesus mọ má 144,000 kịmịmọ kị kịrị́ịyemịẹ Ọkpọnanáowei ọgọnọ Daabụọ—bị mịẹpǎamọngimi.—Revelation 14:1-3.

Ọkpọnanáowei Daabụọ kíríogbo bi mịẹbó páradaịs ghọ pǎangimi. Sụụ́, ịkásatụa sei, ingó, má mọụn kpọ́ fa’áfangímí. Kị̌mịmọ gesiibara bị́ bǒloúịmbẹlẹngímí.—Psalm 145:16.