Jonathan Ye-esiingha Bá David A Barasiingha

Pẹrẹowei Saul bọlọụ tọbọụ Jonathan, ye-esiingha sụụ-olotu. Jonathan angọ-sara ugee dẹịn-emi bá kụrọ akị adaka kpọ dẹịn-emi bara kị David mọ gbaamị. Kẹnị erein Jonathan ogun-agọnọ a 20 Philistine sụụ-otuama ẹrị ifiemị, ómịnị gbaa wó sụụ-yebo kẹrịmịnị owei pịrịmị: ‘Jehovah lelei kọn wo dịadaba, omịnị Philistine-otubo kẹrị sụụmịnị. Philistine-otubo omịnị paabo bara gbaa daba, omịnị paa mú á mọ mọ́ sụụmịnị.’ Philistine-otubo okolo uwoumọwẹrị gbaamị: ‘Uwoubodá wo sụụ!’ Anịduonị, Jonathan mọ Saul mọ uwoumú á mọ mọ́ sụụwẹrị á dẹịnmọmị.

Jonathan kị Saul bọlọụ tọbọụ duonị, Saul bụọdaba Jonathan kị Israel pẹrẹ a paa agbẹịtimi mị. Anịa Jehovah David kị sẹlẹ akị Israel pẹrẹ a tụamụ bara Jonathan mọ nimiwẹrịmị. Mọabịkpọ ómịnị fịọnkẹrị anịghakpọ wó a tọrụdọọngha. Jonathan mọ David mọ ebi ikieotu ka paamị. Ámịnị zọzọ kekere bá baratụa zọzọ pịrịmụ bara gbaamị. Ámịnị ikieotu bara mịẹpaamọ mụ yọ duonị, Jonathan wó bịdẹ, agbọdọ, apepi-teinye, bá wó tuukpaye kpọ kọn David pịrịmị.

David, Saul duonị baịntimi ifiemị, Jonathan mú David laawẹrị gbaamị: ‘Boloukụrọ, malafakụmọ. Ị daụ kpọ, Jehovah ị́mịnị kị sẹlẹ akị Israel pẹrẹ a tụa dọụmịnị bara nimi wẹrịemi.’ Jonathan tọrụtọrụ ikie ụbọ ị́ kpọ mọ nana dọụemi a?

Jonathan biin ifieama ka baratụa David pịrịmị. Baratụa David pịrịmụ yọ duonị, Jonathan biin ifieama fịịmọ naịnmị. Pẹrẹowei Saul, David baa dọụtimi bara Jonathan mọ nimiwẹrị duonị, ómịnị gbaa wó daụ pịrịmị: ‘David kẹnịye kpọ mịẹkirigha duonị, ị́mịnị ụ baadaba, anị kụrọ sei.’ Saul boloukọn kụrọmọ Jonathan pịrịmị. Zụa kụraịama bụọmị, Saul mọ Jonathan mọ sụụ bolou a fịịmị.

Jonathan fịị bụọdẹmị, David Jonathan tọbọụ Mephibosheth dọụmị. David Mephibosheth ẹrị ifiemị, ómịnị gbaa Mephibosheth pịrịmị: ‘Ị́ daụ mọ ị mọ mọ́ ebi ikieotu ka timi mị, anịduonị mị bọlọụ duomúse, ịmịnị ebibara akị ị́ kekeremịnị. Ị́mịnị ine warị kọọ inyenrinmịnị bá ị mọ mọ́ kẹnịyọ kọọ fịyaị fịmịnị.’ David benebene wó ikieowei Jonathan baragha.