Pọwẹịtimi Bẹseri Bẹseri Laa! Fun Bọọ Baratụa Wó Pịrị Mụ Yeama

Pọwẹịtimi Bẹseri Bẹseri laa! fun bọọ emi vidiobo mọ má biibịbịmọ ị́ dịsẹ ma? “Zụa Kịmịama Gbaa Mịnị,” “Mịẹmụye,” má “Diitụa” gbelemọ yọmọ bá? Te yọama kị mọkpọ egberigbaa fịrị gbelemọ yọ bọọ baratụa ị́ pịrị a paa emi a o?​—⁠Mt 28:​19, 20.

Media: Printi paamọ weri emi fun ka kị ụbọ mọ tolumọ mịnị aba, ị́ tebara ka kị vidiobo mọ má zini fun-ama akị kẹnịyọ a dọụ ẹrẹ mịnị a o? Phone bolou bọọ emi fun bọọ kẹnị dịẹmọyọ gbele. Tolumọ egberitịbịbo kirianga bị ị́ mọ gbele daba, ị́mịnị vidiobo mọ má funmọ ẹrẹ a paa emi. (Bọlọụ foto dii.)

“Printed Edition” emi bara bị: Ị́mịnị phone anịghakpọ computer kị duo kịmị mọ Bible tolumọ dọụ mịnị aba, “Printed Edition” baratụa ị́ pịrị mịnị. Tolumọye bị ị́ mọ fini daba, akpakpa ọgọnọ anga bọọ emi tara dọtmọ gbele dá “Printed Edition” sẹlẹ. Bei fun mịẹ weri bara bị, baratụa ị́ pịrị tolumọ mịnị ye mọ egberitịbị mọ kẹnịsụọmọ emi bara bị dọụ ẹrị mịnị. Waị digital edition bọọ mú dọụ mịnị aba, waị tara dọtmọ gbele dá “Digital Edition” sẹlẹ.

“Am I Ready?”: Mịẹdẹ kị Itu sụọmọ egberigbaa mụ bara má benibile mụ bara gbaa weri emi yọ bọọ, kirianga dii daba, ị́mịnị bei ekpedimọ ẹrị mịnị. (Mamụkaramọ foto dii.)

Endnotes: Endnotes yelaa egberiama kọọ tuu gbaa weri emi. Ị́mịnị phone anịghakpọ computer ka kị goo mịnị aba, endnote bọọ kunumọ yọbị kẹnị ye emi, ị́ gbele daba iné akị waị inétimi wẹrị yọ bọọ mú mịnị. (Mamụkaramọ foto dii.)