CHRISTTUUDUO-OTU BARA INYENRINPAAMỌ
Jehovah Ị́ Diimọ Wẹrị Emi Bara Akị Iné Angọ Dii
“Jehovah wo kịmịbo a dịsẹ nana wẹrị emi.” (Ps 149:4) Omịnị yalịyalịgha kị gbaa kpọ, Jehovah wó ebi inyenrinbụọbo mọ bá wó laa mịẹmụ yebo mọ nimi wẹrị emi. Anịa zụa ifieama omịnị wó nanawẹrị emi ebi inyenrinbụọbo ẹrịmụ yọbị kụrọ wó pịrị kpọ paa emi. Zụa kịmịama akị wó mọ inyenrin dẹ bara duonị, omịnị ye a paagha bara iroro kpọ paa emi. Anịghakpọ, omịnị bụọdẹ mịẹkiri yeama kẹrị iroro daba, Jehovah bá wó tarịgha bara wó mọ tọn kpọ paa emi. Omịnị bịsẹ paa iroro yeama nana daba, teeki baratụa wó pịrị a paa emi a o?
Kẹrị ukie, kịmịtọbọu akị ye diimọ mịnị bara mọ Jehovah akị ye diimọ mịnị bara mọ kẹnịgha. (1Sa 16:7) Gbaamaba, omịnị wó angọbo ẹrịgha yebosẹ Jehovah mọ ẹrị mịnị. Bible bị Jehovah akị wó diimọ wẹrị emi bara gbaa wẹrị emi. Jehovah ụ karịmịnị kimịbo tarị emi bara mịẹdịa wẹrị emi Bible yọama goo. Bịsẹ bara mịẹ daba, Jehovah kọkọ ị́ tarị emi bara ị́ mọ ẹrị mịnị.
Ị́MỊNỊ JEHOVAH TỌRỤ YỌMỊ YELAA EMI BARA NIMI VIDIO FARỊ DÁ BEI BIIBỊBỊMỌ PARAỊ:
Vidio bọọ baịntimi tọbọụ mọ wo daụ mọ mịẹdịaye bị, Jehovah gbelemọ yọmị te ka kị wó tolumọ ma o?
Kụrọ sei mịẹdẹ kịmị, bolou-dei wẹrị waị Jehovah dọụ bo daba, bịsẹ ụbọ bị tebara ka kị Jehovah ụ tarị wẹrị emi bá ụ bụọmọ dẹ bara nimi mịnị a o?—1Jo 3:19, 20
Bịnaowei bị David mọ Jehoshaphat mọ egberi goo bá kẹrị iroro yọ duonị, te arereama kị nana ma o?