Ị́mịnị Kpọ Ebibara Akị Audio Bible Mị Pei Mịnị A?

Audio Bible bị te ye a o? Aya New World Translation Bible kị farị akị audio Bible bọọ tụa wẹrị emi. Mị tịẹkiri mị zụa bẹẹlịama mịẹpaamọdẹ anịa bẹdẹbẹdẹ timi biin bẹẹlịama mịẹpaamọ mịnị. Audio Bible bị kẹnị yelaa ye emi, Bible funbosẹ bẹbẹị ụbọ bẹbẹị ụbọ kị goo mịnị. Yelaa egberibo mịẹ gaan paamọ bá pei ịmbẹlẹmụ yọ duonị, goo mịnị kịmịbosẹ ebibara ka kị angọ tọlọmọ mịnị.

Te arereama kị audio Bible pei mịnị yọ duo kịmịama laa mịnị a o? Biin kịmịama ifiebosẹ audio Bible pei mịnị bị anị angọ a sụọ dẹịn mịnị. Bẹbẹị okolobo na mịnị yọmị a mịẹ ebibara Bible bọọ sụọtuu nimi dẹịn mịnị. (Pr 4:5) Audio Bible pei mịnị yọbị biin kịmịama kụrọmọdẹ.—Ps 94:19.

Bible goo paamọ mịnị bara pei mịnị yọbị ebibara wó ụndụbo gbele a paaemi. (2Ch 34:19-21) Audio Bible bị iné naamịnị bẹẹlị emi aba, ifiebosẹ ị kpọ laa pei a paaemi a?

AKỊ AUDIO BIBLE MỊẸPAAMỌ BARA BỊ—DỌLỌYỌ, VIDIO FARỊ DÁ BIIBỊBỊ PARAỊ:

Audio Bible mịẹpaamọ yọbị tebara ka kị iné angọ a sụọ ma o?