Waị Yelaa Yọbo Ditụa

Ị́mịnị kpọ zụa ifieama tịẹkiri goodẹ ye baramịnị a? Bịsẹ yemị kịmịsẹ kị paamọmịnị. Teeki baratụa ị́ pịrị a paaemi a? Waị yelaa yọbo ditụa.

Yọbo ditụamịnị ifiebị, zụa ifieama pẹlẹdá yọmị yelaa emi bara kẹrị iroro. Fịrịmọpaaowei Paul bịsẹ bara ka kị baratụa wó gẹẹ funbo gootimi otubo pịrịmị, ụ gbaamị: “Bei yelaa dẹịn yọbị.” (Heb. 8:1) Bei gbaa egberibị, Paul baratụa goomịnị otubo pịrịwẹrị egberitịbị gbelemi yelaa yọbo ditụamị.

Ị́mịnị yetolumọtimi kunumọdaba, oia minutes ovoru akị waị iné tolumọdẹ yelaa yebo ditụa. Ị́mịnị ukieghasẹ, kala egberitịbịbo dii. Bọlọụ anga duo goo bo. Bịsẹ yọmị baratụa ị́ pịrịwẹrị ukiemịnị. Aya egberi ị́ mọ tolumọdaba, waị iné ịkịọụ bọọ yema tuugbaa angọ pịrị. Yelaa yọbo ị́ mọ ditụamịnị ifiesẹ, ị́mịnị ba baragha fa. Bịsẹ yọ kị bụọmọ kpọ ị́mịnị ebibara egberi bọọ sụọtuu nimi bá akị tụa inyenrinmịnị.