BẸNỊỊ GHỌ MUOTU MỊẸNIMIMỌYEAMA

BẸBẸẸ BẸNỊỊ

DAABỤỌ EGBERIGBAAOTU SUKULU Kụraị ghọ 23 má 65 ovuru ghọ emi sịnyaan egberigbaaotu fịrị bị mịẹdụbamọ dẹngịị dịsẹnimi otu má Daabụọ Egberigbaaotu Sukulu ghọ mú dịsẹnimi otumọ bo Sunday pekei bẹnịị bọghọ paa abịbara nị ọ tịịnemi. Bei bẹnịị mịẹngị yọ mọ ifie mọ mịẹ nị ọ nimimọngimi.

BẸNỊỊ GHỌ MUOTU MỊẸNIMIMỌYEAMA

ODUB’OTU Odub’otumọ baratụa nị ọ pịrịngị fịrị kị nị ọ pịrịnimi. Sisei ọrọ gbaabara sẹ diimịẹ arụ igbe yọ, kịmịitu wẹnịemibara, titei kọrịye, má zini yeama kpọ.

BENIBILEYE Benibilengị otu akasịama bụọmọnimi okpo bọlọụ bọghọ. Benibilengotumọ tịtẹwẹrịdẹ kị benibile ẹrẹegberi bi Saturday pekei bọghọ koro mịẹ ifie laa. Kịmịsẹ ọngọkụọbịdẹ má ẹgbẹịnimi benibiri bịdẹ akị bo.

OTUOYEMỌ Gbenẹịn okoba kị naá biin titeiama, farịyeama má televisionama nị opubẹnịị bị mịẹ nị ịmbẹlẹmọ má baratụa wó mịẹ Jehovah mọ paalịịdẹngiidọ. Ọrọ́ otuoyemọ baratụa be’yemọ mịẹ má ọkpọsẹ egberigbaa fịrị kpọ pịrịngimi. Iné ghọ bụụdọọn gha fangịyọ bịmẹẹnị, otuoye ekpetiama naá yọmọsẹ ghọ tịẹmọnimi. Iné bara ghọ paadọyọsẹ ebinimi. Ụfịanemi Itu bi ọrọ́ baratụa Amananaowei Daabụọ pịrịemị yemọ ghọ ụmbana nị ọ kulemi.

BỌLỌỤ DỌỌN ZỤỌYE Sisei bei bi mịẹ naá ZEMENIIPAAYEAMA KỤMỌ pịrịnimi baranimi.

FA MÁ ẸRỊYE Naá bo nị akị gha ikpesemọ sẹ akị Fa má Ẹrịye Ọfọụ bọghọ mú. Ye ị́ mọ famọụnnimi aba, bịsa ọfọụ bọghọ mú nị iné ikpesemọ lelei n’akị. Ọrọ́ daụ mọ yengi mọ duo ni ụwọụbụọ fad’ọ ọwọụmọ akị bịsa ọfọụ bọghọ mú. Mọabịkpọ, kịmị ghọ bụụdọọn ngịyọ dọụ gha bịmẹẹnị, sisei ọrọ ọwọụmọ dii ni ebimọ má ifiemọsẹ ọ mọ mọ timi.

TỊTẸYỌ Sisei ziniotu naá tụatọn. Ukie, titeiama kọrị nị ị́ mọ mọ kẹnị arụ duo bo, ị́ mọ mọ kẹnị warị ghọ emi, anịghakpọ tịẹkiri bọghọ ị́ mọ mọ Bible tolumọemi otu kụmọ pịrị. Iné kọrị gha titeiama ghọ yeama wẹrị kụmọ.

ỌNGỌPAAMỌ ODUBO Ị baratụa opubẹnịị bọghọ fịrị wẹnị dọụemi aba, sisei Information and Volunteer Service Department bọghọ mú.