Kịmịotu A Dịsẹnana

Jesus Mịẹye Bị

VIDIO: Jesus mọ Benizu-ogugu bọọ timi Erema mọ

1. VIDIO dii, anịghakpọ John 4:​6-9 goo dá, mị biibịbịbo kẹrị iroro:

1. Jesus teeki leleipẹlẹdẹ kị erema mọ koro ẹrẹtei ma o?

2. Jesus gbaa mị: “Beni akị ị pịrị.” Tetuu kị duonị Jesus akị egberi koromọ bara mị ebi ma o?

Jesus Mịẹye Mị Te Ka Kị Wó Tolumọ Ma O?

2. Omịnị ụbọ bị kẹrị ẹrẹtei dịsẹ-emi egberi akị ụbọ mọ ẹrẹtei daba, kaanghaba ebi ẹrẹtei bịsẹ bolou duopaa kpọ paaemi.

Jesus Dimịẹ

3. Bẹbẹ ụwọụ-ama akị egberigbaa. Iné ịkịọụ bọọ gbinipẹlẹ wẹrịemi egberitịbị bẹtịbị akị egberigbaa kụmọ. Kịmịotu ifiebosẹ iroromịnị yeama ka kị kịmịotu mọ ẹrẹtei. Iné angọ bii:

1. ‘News bị teeki gbaa ma o?’

2. ‘Ị mọmọ kẹnịyọ inyenrinmịnị otu, fịrị wẹnịmịnị otu bá ine sukulu otubo teyeama kị kẹrị ẹrẹteimịnị a o?’

4. Ye leleipẹlẹ. Iné angọ bii:

1. ‘Ụbọ bị tịẹkiri bị teeki mịẹmịnị a o? Ụbọ mị kaanghaba teeki kẹrị iroromịnị a o?’

2. ‘Ụbọ biberin wẹrịemi yebo gbelemọ yọbị, ụbọ tụa wẹrịemi bịdẹ, ụbọ emibara, bá warị mọ teeki gbaa akị ị pịrịmịnị a o?’

3. ‘Bei ifie kị ụbọ mọ ẹrẹtei agbẹịemi a?’

5. Ebibara ụbọ pei.

1. Biin egberiama ẹrẹkụmọ.

2. Ụbọ kụrọmọ wẹrị wo ịkịọụ bọọ emiye gbaa. Agbẹị ifiea biibịbị bii.