JW.ORG Duosụọ dá Bible Kịlịkịlị-nimiye Dọụ

Bei kunumọ ereinmọ Ọkpọnanaowei egberimọ baratụa wó pịrị wẹrị kụrọ inyenrinbụọama ine mịnị. (2Ti 3:​1, 16, 17) Bible mọkpọ biin ịkọkịama baratụa wó pịrị a paa emi. Gbaamaba, ị́ kpọ awọụ sibe emi daụ bo nị baratụa pịrịye dọụ mịnị a? Ị́mịnị asịyaị pesi nị peibolou gbelemọ yọbị bụụdọọnye laa emi a? Ị́ kpọ yei anịghakpọ taa fịdẹ bọ nị barịyọ dọụ emi a? Bei bụụdọọnyemọ gbelemọ yọbị, ị́mịnị laa jw.org duo Bible tolumọbịbịama dọụ ẹrị mịnị.​—Pr 2:​3-6.

Jw.org bọlọụ akpakpa bọọ, BIBLE TEACHINGS yọ gbele. (Bọlọụ foto dii.) kirianga dii, má ị́ dịsẹye sẹlẹ. Anịghakpọ LIBRARY > ARTICLE SERIES yọ bọọ ị́ dịsẹye sẹlẹ. (Mamụkaramọ foto dii.) Bei yebo JW Library^® kpọ emi.a Ị́mịnị bei maa yọmọ duo egberibo ẹrị a paa emi. Zịnị ụwọụ bá, omịnị jw.org, search box bọọ egberi dọụ ẹrị a paa emi.

Bei egberitịbịmọ akị search box bọọ gẹẹ tụa, má ị́ dịsẹ emi egberitịbịbo gẹẹ akị.

• Awọụ sibe

• Asịyaị pesi bolouịmbẹlẹgha inyenrinbụọ

• Yei anịghakpọ taa fịị