Bible Study Vidiobo Akị Kịmị Tolumọ Mụ Bara Mị

Omịnị egberigbaa yọ a mú daba, akị kịmịama mọ Bible tolumọ mụ vidiobo noin (4) nana wẹrị emi. Tetuu kị duonị bei vidiobo mịẹpaamọ ma o?

• 

  Tetuu Kị Bịmẹẹnị Bible Bị Tolumọngịma o?—Beinmọ Beinmọ Yebị baratụa zịnị karịbụọ emị kịmịama pịrị wẹrị Bible bọọ dịsẹnana mụ yọ kị duonị bei vidio mịẹpaamọ wẹrị emi. Vidio bị dii mịnị kịmịbo kụrọmọ wẹrị Bible gọọ bá Bible bị akị ụndụ yelaa biibịbịbo paraị wẹrị emi bara kpọ mịẹdịa wẹrị emi. Kịmị Jehovah Iseriotumọ Bible tolumọ dọụ emi aba, akị mịẹmụ bara kpọ gbaa wẹrị emi.

• 

  Tetuu Kị Duonị Bible Tolumọ Agbei Emi A O? (dọlọyọ.) Bei kpọ beinmọ beinmọ vidio bara k’emi anịa dụba beinmọ beinmọ vidio laagha. Kịmịama ifie nanagha yọ emi aba bei vidio bị ebi dẹịn emi.

• 

  Teeki Paaemo Bible Tolumọemi Yọbị? Kịmịama Bible tolumọ dịsẹ nana mụ yọ kị duonị mị vidio mịẹpaamọ wẹrị emi, bá Bible tolumọ gbelemọ biibịbịama kpọ paraị wẹrị emi, kịmị Jehovah Iseriotumọ Bible tolumọ dọụ emi aba, akị mịẹmụ bara kpọ gbaa wẹrị emi.

• 

  Iné Bible Tolumọye Bị Laadọ vidio bị akị Jehovah Iseriotu mọ Bible tolumọ kịmịbo kị pịrị wẹrị emi. Bei vidio bị akị Powẹịtimi Bẹserị Bẹserị Laa! fun mị mamụkaramọ akpakpa ka farị agbẹị emi, anịa Powẹịtimi Bẹserị Bẹserị Laa! brochure bị tolumọ mịnị ifie kọọ farị kpọ seigha. Vidio mị, fun bolou bọọ emi yebo mọ bá tolumọ mịnị ifie bọọ ẹrị mụ yebo kị mịẹdịa wẹrị emi.

Vidiobosẹ mịẹ wẹrị emi tuu emi. Anịa agbẹị emi ifiesẹ omịnị laa akị kịmị dịa a paa emi. Pebi dá egberigbaa otubosẹ ebibara bei vidiobo nimi pẹlẹ, bá akị kịmịama tolumọ.