Revelation 13 Bọọ Emi Sọnọma-Tịbị Nanawẹrịemi Bou Kụrọ Namabị Teye A O?
Bible Parụbịbị Mị
Revelation 13:1 bọọ emi sọnọma tịbị nanawẹrịemi bou kụrọ namabị ọkpọ politics ogbobosẹ ka tịbị-tịẹmọwẹrịemi.
Mị namabị kụrọ, bá pẹrẹ ịkasị kpọ nanawẹrịemi yọbị, omịnị politics ogbo ka tịbị-tịẹmọwẹrịemi bara bị mịẹgaan paamọ wẹrịemi.—Revelation 13:2.
Mị namabị “ibemọsẹ, bẹẹlịmọsẹ, má kịmị paamọsẹ” kị daamịnị. Aniduonị kẹnị ibe daabụọ a paagha.—Revelation 13:7.
Mị namabị Daniel 7:2-8 bọọ gbaawẹrịemi nia bou kụrọ namabo nanawẹrịemi yeama kị nanawẹrịemi. Gbaamaba leopard mọ lei-emi, bear bụọ-ama, adaka bịbị, bá oia akụran-ama kpọ. Daniel bụrụ egberi bọọ emi namabo, akị zọzọ dei ibe-daaotu ka tịbị-tịẹmọwẹrị. (Daniel 7:17, 23) Anịduonị, Revelation tịbịyọ 13 bọọ emi bou kụrọ namabị, politics ogboama ka tịbị-tịẹmọwẹrịemi.
Namabị “abadị kị duo” paabomị. Anị kịmị-awọụbo daabụọ kị bịịmọwẹrịemi, tuubị kịmịawọụ kị daakụrọ akị ánị daabụọbo pịrịmịnị.—Revelation 13:1; Isaiah 17:12, 13.
Bible gbaa baramị, bou kụrọ namabị, ẹrẹ nanawẹrịemi bá “kịmị-tọbọụ number”—666—kị nana wẹrịemi. (Revelation 13:17, 18) Mị gbaawẹrịemi yemị mịẹgaan amọ Revelation 13 bọọ emi bou kụrọ namabị seitẹmẹ ogbo-gha anịa kịmị-awọụ ogbo bara kị mịẹgaan paamọwẹrịemi.
Ọkpọ daabụọbo biin ifieama zọzọ naagha kị gbaa kpọ, ámịnị kẹnịsụọmọ bara anị daabụọ kụrọbo koko dọụmịnị. Ámịnị tịbị iyerimọ Ọkpọnanaowei daabụọ pịrịgha. (Psalm 2:2) Ámịnị kẹnịsụọmọwẹrị Jesus Christ daamịnị Ọkpọnanaowei sụụ-otubo mọ Armageddon bọọ sụụmịnị. Jesus mị sụụ dẹịnmọmịnị, ómịnị ibe daabụọbosẹ gbeingọgọlọmịnị.—Revelation 16:14, 16; 19:19, 20.
“Oia akụran-ama mọ sọnọma tịbịama mọ”
Bible mị zụa number-ama akị ye ka tịbị-tịẹmọmịnị. Gbaamaba, oi mọ sọnọma mọ kọn karaị-emi ye ka tịbị-tịẹmọmịnị. Baratụa wo pịrịwẹrị Revelation 13 bọọ emi bou kụrọ nama nanawẹrịemi “oia akụranbo mọ bá sọnọma tịbịbo mọ” a sụọtuunimi-mịnị yemị, anị Revelation zịnị gbaawẹrịemi “bou kụrọ nama.”—Mị namabị, kwekwe bá sọnọma tịbị mọ oia akụran-ama mọ kị nanawẹrịemi. (Revelation 13:1, 14, 15; 17:3) Bible gbaa baramị bei kwekwe bou kụrọ nama sọnọma tịbịbo akị “sọnọma pẹrẹotu” kị bịịmọwẹrịemi.—Revelation 17:9, 10.
Anịduonị, Revelation 13:1 bọọ gbaawẹrịemi bou kụrọ nama sọnọma akụranbo, sọnọma daabụọama ka tịbị-tịẹmọwẹrịemi: mị kụrọnana bá Ọkpọnanaowei kịmịbo ụyamọ daabụọama—Egypt, Assyria, Babylon, Medo-Persia, Greece, Rome, bá Anglo-America. Oia akụranbo ibe-ama bara wo mọ gbaadaba, nama akụranbo a emi pẹrẹ-tunbo bá, ibe daabụọbo mọ ọkpọ daakụrọ mọ kẹnị ifie ka daamịnị bara kị mịẹdịawẹrịemi.