Wóni Te’éki Mịẹdẹ́ Kị Ọkpọnanáowei Bǒloúịmbẹlẹngị́ma Ó?

Seinimí yebi kịlẹwẹ̌nị. 1 Corinthians 6:9, 10

Wóni Jehovah tarịnimiábá, ụ dịsẹgha yemọ wóni mó mị̌ẹgháfangǐmi.

Jehovah wóni fǔrungiyọ, uru boúkọrịngịyọ, aniífaghákpọ ẹgbẹịghábara naá dǐriama bǒungíyọ dọụgha.

Ọkpọnanáowei kị̌mịbaaye, fúroú mịẹkǒromọye, má owei mọ́-owei mọ́ dụụdụụ bụnụyé dị̌sẹgha kụrọmọmịnị́ị k’emi. Erí wóni okolotuutụ́angịyọ aniífaghákpọ kị̌mị mọ́ sụụngị́yọ kpọ dọụgha.

Wóni kǎratịẹmọ́nimí ye karị kụ̌mọ aniífaghákpọ fịd’ọ́ kịmị kụrẹị́ nị egberi tịnmọ́ nị ụndụ́nimí kịmị yarịngǐmi abị ye mịẹ kụ̌mọ.

Kíríogbo Paradaịs bị nị bǒemi yebi, sei mịẹótu timingi yọ fagháfangǐmi.

Ebi yé ki mịẹ. Matthew 7:12

Ọkpọnanáowei bolou mịẹ nị ịmbẹlẹmọ̌ngị bị, wóni ịmbalịǐda wo emíbara bị kị timingǐmi.

Bọụtụayọ má barafiniyọ naá tarị dịa.

Wóni kịrị́ịye kụmọ mịẹ.

Kị̌mị ghọ́ diiniikpěte nana má sei bụọmọ́ye pịrị.

Jehovah mọ má wo ụwọ́ụmọ emibara bị gbaa naá zǐniotu dịa.—Isaiah 43:10.