Dịẹmọyọ 4 Bọọ Emi Yebo
Bei dịẹmọyọ bị Joseph, Job, Moses, bá Israel-otubo egberi kị gbaa wẹrịemi. Devil kụrọbara ka kị anị ụyamọ mị, mọabịkpọ ámịnị inemị. Zụa kịmịama á pịrị penimọ, kẹrị-kaị, omoni-sụọ, bá fịị kpọ fịịmị. Mọabịkpọ Jehovah biin ụwọụama akị á kekeremị. Ị́mịnị daụ anịghakpọ yin ụbọ aba, baratụa iné tọbọụ pịrị dá bei kịmịbo ụya kị fị kpọ, mọkpọ anị peibolou kẹrịkụrọmọ bara dọụ ẹrị.
Jehovah oia akpotubo akị, ómịnị kụrọ nana akị Egypt bọọ emi orubosẹ dẹịn-emi bara mịẹdịamị. Jehovah bụọdẹ ifie bọọ wó odubo-otubo kekere bara mọ bá mị tịẹkiri kpọ wó odubo-otubo kekeremịnị bara dọụ ẹrị.