Dịẹmọyọ 6 Bọọ Emi Yebo

Israel-otubo Kikoromọ wẹrị Ogbo laamị, ámịnị tapolin-karịwarị ka kị Jehovah karịmị. Ịkịan-kụn otubo Oloko bị akị kịmị otubo tolumọmị, ụgụlapẹlẹ otubo kị má ibe kekeremị. Bei dịẹmọyọ bị, kịmị tọnpẹlẹmịnị yeama mọ bá mịẹmịnị yeama mọ, zịnịotu kpọ gbele a paaemi bara kị mịẹgaan wẹrịemi. Israel kị duo paaemi kịmịsẹ, iroro-tọn dọụmịnị ifiesẹ, Jehovah mọ bá zịnịotu mọ akị tụa iroro agbẹịemi. Deborah, Naomi, Joshua, Hannah, Jephthah baụma, bá Samuel mọ inyenrinbụọbo ánị timi ama bọọ zịnịotu gbele bara bị mịẹgaan paamọ wẹrịemi. Rahab, Ruth, Jael, Gibeon-otubo mọ bá zụa Israel ibe duo paagha otuama, Jehovah Israel-otubo mọ emi bara nimi wẹrị Israel-otubo mọ kẹnịsụọmọ bara bị mịẹgaan paamọ wẹrịemi.