Dịẹmọyọ 7 Bọọ Emi Yebo
Bei dịẹmọyọ bị, Pẹrẹ-owei David mọ Pẹrẹ-owei Saul mọ egberiama kị gbaa wẹrịemi. Bei yebo 80 kụraị ovuru ka paamị. Saul bọlọụ ifiemị, angọ-iyerimọ bá Jehovah dọụbara kị mịẹtimimị, anịa timi kẹnị ifie laamị, Saul bá Jehovah gbaa bara dimịẹgha. Jehovah Saul kọn pẹrẹ kasị duo seriwẹrị, Samuel fịrịmọ David akị Israel ibe bọọ pẹrẹ tụamị. Saul fịọnkẹrị duonị biin ifieama David baa dọụmị, anịa David benebene ụ mịẹ-akịgha. Saul tọbọụ Jonathan, Jehovah kị David sẹlẹ wẹrịemi bara nimiwẹrịemi duonị, ómịnị David anga ka timimị. David zụa kụrọ sei-ama mịẹmị, mọabịkpọ ómịnị Jehovah duobo zezemọye bị kẹrịakịmị. Ị́mịnị daụ anịghakpọ yin ụbọ aba baratụa iné tọbọụ pịrịdá, Jehovah gbaa bara dimịẹmụ yọmị, yelaaemi baramị dọụ ẹrị.