TOLUMỌYE 33
Ọkpọnanaowei Daabụọ Mịẹmụ Yebo
Ọkpọnanaowei Daabụọ bị alaghatimi kiriogbo bọọ tamamaa yeama mịẹ mịnị. Daabụọ mị mịẹ wó pịrị mụ ebi yeama wó mọ diitụa.
1. Ọkpọnanaowei Daabụọ tebara ka kị dọọ mọ kịrị ị ụgụlapẹlẹ inyenrinbụọ mọ mịẹpaamọ mịnị a o?
Jesus, Ọkpọnanaowei Daabụọ Pẹrẹ mị Armageddon sụụ bọọ seimịẹ mịnị kịmịbosẹ baa siin mịnị. (Revelation 16:14, 16) Bịsẹ ifie laa daba, bei Bible kii koromọ wẹrị emi yemị paabein mịnị: “Alaghatimi, bolousei otubo bá timigha fa.” (Psalm 37:10) Jesus kiriogbo bọọ dọọ mịẹpaamọ má kịrị ị ụgụla kị pẹlẹ mịnị.—Isaiah 11:4 goo.
2. Kịmịawọụ Ọkpọnanaowei dọụbara mịẹ daba tebara kị paa mịnị a o?
Ọkpọnanaowei Daabụọ kiriogbo daa daba, “kịrịịye mịẹ mịnị otubo kiriogbo bọọ timi mịnị, má amịnị inyenrintimi bẹseri bẹseri laa mịnị.” (Psalm 37:29) Wẹrị iroro dii! Kịmịsẹ ebiye mịẹ, zọzọ tarị, Jehovah kpọ tarị, kẹnị kịmị kpọ bá dọọngha má kịmịsẹ inyenrintimi bẹseri bẹseri laa mịnị.
3. Seimịẹ kịmịbo fịị siin daba Ọkpọnanaowei Daabụọ bị teeki mịẹ mịnị a o?
Seimịẹ mịnị otumọsẹ fịị siin daba, Jesus mọ 144,000 kịmịbo mọ 1,000 kụraị akị daa daba, amịnị baratụa kịmịotu pịrị wẹrị seigbelegha angọ nana mịnị. Bei 1,000 kụraịbo fadaba, kịmịsẹ bo Jehovah gbaa ye kị mịẹ dẹ duonị, akpọsẹ bo paradise paa mịnị. Bịsẹ yọ bụọ daba Jesus daabụọ bụọmọ akị wo Daụ, Jehovah pịrị mịnị. Bei yemị, Jehovah, “ẹrẹ mịẹ yalịyalị [mịnị].” (Matthew 6:9, 10) Má Jehovah kị kịmịtọbọụ daamọ agbẹị emi bara mịẹ gaan mịnị. Bịsẹ ifie laa daba, Satan, seitẹmẹbosẹ, bá tịbịkụrọ Ọkpọnanaowei Daabụọ pịrị mịnị kịmịbosẹ Jehovah mụ baa siin mịnị. (Revelation 20:7-10) Ọkpọnanaowei Daabụọ mị mịẹpaamọ mịnị ebi yemọsẹ timi bẹseri bẹseri laa mịnị.
EBIBARA TUUDỌỤ
Ọkpọnanaowei wo Daabụọ bị akị kii koromọ wẹrị emi yebosẹ mịẹbeinmọ mịnị bara wo mọ biberin agbẹị emi tuu dọụ ẹrị.
4. Ọkpọnanaowei Daabụọ mị kịmịawọụ daabụọmọsẹ seri siin mịnị
“Kịmịtọbọụ kị kịmịtọbọụ daa mú akpotu a sụọ mịnị.” (Ecclesiastes 8:9) Jehovah wo Daabụọ mị akị kịmịawọụ daabụọ mịẹdẹ sei yebosẹ mịẹ ebimọ mịnị.
Daniel 2:44 mọ 2 Thessalonians 1:6-8 mọ goo dá, bei biibịbịmọ kẹrị ẹrẹtei:
Jehovah mọ Jesus mọ te ye ka kị kịmịawọụ daabụọ bọọ daamịnị otubo mọ má, barapou a pịrị wẹrị emi otubo mọ mịẹ mịnị a o?
Jehovah mọ Jesus mọ ị́ mọ tolumọ timi laadẹ yọmị, amịnị bei bọlọụ mị, kịrịịye mịẹ mịnị bara ị́ mọ tọn wẹrị emi?
5. Jesus kị Pẹrẹ sụọ agbẹị dẹịn emi
Jesus Ọkpọnanaowei Daabụọ Pẹrẹ mị, biin ụwọụama ka kị baratụa kịmịotu pịrị mịnị. VIDIO farị dá, Jesus baratụa kịmịawọụ pịrị dịsẹ nana wẹrị emi bá Ọkpọnanaowei kpọ kụrọ bị akị ụ pịrịdẹ bara dọụ erị.
Jesus kiriogbo bọọ timi mịẹ yebosẹ Ọkpọnanaowei Daabụọ mịẹ mịnị yeama kị mịẹgaan wẹrị emi. Vidio bọọ tịịn wẹrị emi yebosẹ te yaị kị iné angọ duosụọ dẹịn ma? Bịsẹ Bible yọmọ goo.
JESUS, KIRIOGBO BỌỌ TIMI IFIE BỊ OMỊNỊ. . . |
JESUS, AGỌNỌ DUO . . . |
|---|---|
|
|
|
|
|
|
|
|
6. Bei bọlọụ mị, Ọkpọnanaowei Daabụọ bị tamamaa yeama mịẹ wó pịrị mịnị
Kịmịawọụ mị kiriogbo bọọ paradise a inyenrintimi bẹseri bẹseri laa kị Jehovah mọ dọụ emi. Daabụọ kị bịsẹ ye mịẹ paamọ mịnị. VIDIO farị dá, Jehovah, Jesus akị, beiye mịẹ beinmọ mịnị bara dii.
Psalm 145:16 goo dá, bei biibịbị kẹrị ẹrẹtei:
Jehovah “kịmịawọụ dọụ emi yebo mịẹ mịnị” bara ị́ mọ nimi yọmị, tebara ka kị ị́ gbele ma o?
ZỤA KỊMỊAMA GBAA MỊNỊ: “Kịmịsẹ kẹnị wẹnịmọ daba, omịnị laa bei akpọ bụụdọọnye-bosẹ kẹrị-tịẹmọ mịnị.”
Kịmịawọụ daabụọ te kẹrị-tịẹmọ a paagha yeama kị Ọkpọnanaowei Daabụọ mọ kẹrị-tịẹmọ mịnị a o?
KỊLỌỌBARA
Ọkpọnanaowei Daabụọ akpọsẹ dei bo paradise a paa mịnị, má ebi ịkịọụ nana wẹrị emi kịmịama Jehovah karịtimi bẹseri bẹseri laa mịnị.
Waị diitụa
Daabụọ mị tebara ka kị Jehovah ẹrẹ mịẹ yalịyalị mịnị a o?
Omịnị tebara ka kị Ọkpọnanaowei Daabụọ bị Bible kii koromọ wẹrị emi yemọ, mịẹbeinmọ mịnị bara nimi ma o?
Ọkpọnanaowei Daabụọ mịẹ kịmịawọụ pịrịmụ yebosẹ, teeki iné angọ duo sụọ dẹịn ma?
DIITỤA
Armageddon tuu mị dọụ erị.
Jesus gbaa wẹrịemi “opu akpotu” ifie bọọ paamụ yebo wo mọ dii.—Matthew 24:21
Warịbolou-otu paradise bo daba Daabụọ mịẹ mụ ebi yemọ kẹrị iroro mịnị bara dii.
“Ịmịnị Biin Biibịbịama Kị Nana Wẹrị Mị,” egberitịbị duo government kẹrị sụụtimi owei wo dọụ timi yemị ẹrẹ bara dii.