Omịnị Akị Kịmịotu Tolumọmịnị Egberitịbị-ama

Jesus gbaa bara bị, gesii dịsẹ-emi otubo gesii naa daba ámịnị gesii nimi mịnị. (John 10:​4, 27) Anịduonị omịnị kịmịotu mọ ẹrẹteidẹ ifiesẹ, omịnị mị Bible gesiibo akị á mọmọ́ ẹrẹtei agbẹịemi. Anịkị gesii bị akị kịmị mọ ẹrẹtei mịnị bị, bei biibịbịbo akị ụbọ bii: “Ị́ kpọ nimi wẹrịemi a . . . ?” anịghakpọ “Ị́ kpọ naadẹ wẹrị ma . . . ?” Bịsẹ egberitịbị gbelemọ-emi Bible yọ-ama akị gesii gbaa ụbọ pịrị. Omịnị Bible mị, dọlọyọ ka kị kịmị mọ ẹrẹtei kpọ, bịsẹ egberi ụngbọụ mị ụbọ adụdụ gbele wẹrị, Ọkpọnanaowei bịsẹ ụngbọụ mị mịẹsọụmọ a paaemi!—1 Cor. 3:​6, 7.

• Bei Bọlọụ Bị

• Warịbolou

• Ọkpọnanaowei

• Tẹẹbịbị

• Jesus Christ

• Ọkpọnanaowei Daabụọ

• Ụya

• Fịị

• Karịbụọ

BEI BỌLỌỤ BỊ

1. 1. Beitịẹkiri bọọ paamịnịyebo, alaghatimi deiyọ akpọ bọọ paamụ bara kị mịẹdịa wẹrịemi.—Matt. 24:​3, 7, 8; Luke 21:​10, 11; 2Tim. 3:​1-5.

2. 2. Bẹnẹbẹnẹ mị kiriogbo gbẹịngọgọlọgha fa.—Ps. 104:5; Eccl. 1:4.

3. 3. Waị kiriogbosẹ tọlọmọ mịnị.—Isa. 35:​1, 2; Rev. 11:18.

4. 4. Dọọn kpọ ba timigha fa.—Isa. 33:24; 35:​5, 6.

5. 5. Ị́mịnị kiriogbo bọọ inyenrintimi bẹseri bẹseri laa a paaemi.—Ps. 37:29; Matt. 5:5.

WARỊBOLOU

1. 6. Yei ụbọ bị “wo angọ tarị wẹrịemi bara ka kị wo taama kpọ tarị agbẹịemi.”—Eph. 5:33; Col. 3:19.

2. 7. Taama ebibara akị a yei didụbamọ agbẹịemi.—Eph. 5:33; Col. 3:18.

3. 8. Taa mọ yei mọ zọzọ abarasiinkụmọ.—Mal. 2:16; Matt. 19:​4-6, 9; Heb. 13:4.

4. 9. Daụ mọ yiin mọ didụbamọ wẹrịemi awọụbo bọlọụbụọ mịnị.—Prov. 1:​8, 9; Eph. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

ỌKPỌNANAOWEI

1. 10. Ọkpọnanaowei ẹrẹnana wẹrịemi.—Ps. 83:18; Jer. 10:10.

2. 11. Ọkpọnanaowei wó mọ ẹrẹmịnị.—2Tim. 3:​16, 17; 2Pet. 1:​20, 21.

3. 12. Ọkpọnanaowei kẹnị-anga kpọ asụọgha.—Deut. 10:17; Acts 10:​34, 35.

4. 13. Ọkpọnanaowei baratụa wó pịrị kị dọụ-emi.—Ps. 46:1; 145:​18, 19.

TẸẸBỊBỊ

1. 14. Ọkpọnanaowei, omịnị tẹẹ akị ụ yarị kị dọụ wẹrịemi.—Ps. 62:8; 65:2; 1Pet. 5:7.

2. 15. Bible mị, wó tẹẹ agbẹịemi bara mị akị wó tolumọ wẹrịemi.—Matt. 6:​7-13; Luke 11:​1-4.

3. 16. Omịnị ifiebosẹ ka tẹẹ agbẹịemi.—Matt. 7:​7, 8; 1Thess. 5:17.

JESUS CHRIST

1. 17. Jesus dụbadẹịn kịmị tolumọ-owei tolumọbịbịbo beitịẹkiri kpọ baratụa akị wó pịrịmịnị.—Matt. 6:​14, 15, 34; 7:12.

2. 18. Jesus, beitịẹkiri bọọ paamịnịyebo paamụ bara gbaa wẹrị mị.—Matt. 24:​3, 7, 8, 14; Luke 21:​10, 11.

3. 19. Jesus Ọkpọnanaowei tọbọụ.—Matt. 16:16; John 3:16; 1John 4:15.

4. 20. Jesus seridẹịn Ọkpọnanaowei gha.—John 14:28; 1Cor. 11:3.

Based on NASA/Visible Earth imagery

ỌKPỌNANAOWEI DAABỤỌ

1. 21. Ọkpọnanaowei Daabụọ bị agọnọ k’emi daabụọ.—Dan. 2:44; 7:​13, 14; Matt. 6:​9, 10; Rev. 11:15.

2. 22. Ọkpọnanaowei Daabụọ bị kịmịawọụ daabụọbosẹ kọnsiin mịnị.—Ps. 2:​7-9; Dan. 2:44.

3. 23. Ọkpọnanaowei Daabụọ kị kịmịawọụ fịịmịnị ụyabosẹ kọnsiin mịnị.—Ps. 37:​10, 11; 46:9; Isa. 65:​21-23.

ỤYA

1. 24. Wó fịịmịnị ụyabo Ọkpọnanaowei duobogha.—Deut. 32:4; Jas. 1:13.

2. 25. Satan kị mị akpọ daamịnị.—Luke 4:​5, 6; 1John 5:19.

3. 26. Iné fịịmịnị ụyabo Ọkpọnanaowei gbele-emi.—Ps. 34:​17-19; Isa. 41:​10, 13.

4. 27. Ọkpọnanaowei alaghatimi ụyabosẹ kọnsiin mịnị.—Isa. 65:17; Rev. 21:​3, 4.

FỊỊ

1. 28. Fịịdẹ otubo kẹnịye kpọ nimigha; ámịnị ụya fịịgha.—Eccl. 9:5; John 11:​11-14.

2. 29. Fịịdẹ otubo nimi baratụa wó pịrịgha anịghakpọ wó ụyamọgha.—Ps. 146:4; Eccl. 9:​6, 10.

3. 30. Fịịdẹ otubo waị seri mịnị.—Job 14:​13-15; John 5:​28, 29; Acts 24:15.

4. 31. “Ọkpọnanaowei fịị kọnsiin mịnị.”—Rev. 21:​3, 4; Isa. 25:8.

KARỊBỤỌ

1. 32. Biindẹịn karịbụọama Ọkpọnanaowei dọụbara mịẹgha.—Jer. 7:11; Matt. 7:​13, 14, 21-23.

2. 33. Ọkpọnanaowei agọnọ-beniyaị mịẹ inyenrinbụọ tarịgha.—Isa. 29:13; Mic. 3:11; Mark 7:​6-8.

3. 34. Tarị ka kị gesii karịbụọ nimimịnị.—Mic. 4:3; John 13:​34, 35.