6 Ket masapul a salimetmetan ken aramidenyo ida, agsipud ta kinasirib daytoy+ iti biangyo ken pannakaawat+ iti biangyo iti imatang dagiti ili a makangngegto kadagitoy amin nga alagaden, ket sigurado a kunaendanto, ‘Daytoy dakkel a nasion di pagduaduaan a masirib ken mannakaawat nga ili.’+

18 Ket masapul a lagipem ni Jehova a Diosmo, agsipud ta isu ti manangipaay iti bileg kenka nga agaramid iti kinabaknang;+ tapno itungpalna ti tulagna nga insapatana kadagidi ammam, kas itoy nga aldaw.+

7 “Isuna laeng ta bumilegka ken pumigsaka unay tapno annadam nga aramiden ti maitunos iti isuamin a linteg nga imbilin kenka ni Moises nga adipenko.+ Dika sumiasi iti dayta nga agpakannawan wenno agpakannigid,+ tapno makapagtignayka a sisisirib iti sadinoman a papanam.+

3 Ket masapul a salimetmetam ti pagrebbengan ken Jehova a Diosmo babaen ti pannagnam iti daldalanna,+ babaen ti panangsalimetmetmo kadagiti paglinteganna, kadagiti bilinna ken kadagiti hudisial a pangngeddengna+ ken kadagiti pammaneknekna, sigun ti adda a naisurat iti linteg ni Moises,+ tapno makapagtignayka a simamanakem iti isuamin nga aramidem ken iti sadinoman a bumaw-ingam;

28 Ngem kinunana: “Saan, imbes ketdi, Naragsak dagidiay dumdumngeg iti sao ti Dios ken mangsalsalimetmet iti dayta!”+