17 Ket bumabaakto+ ket makisaoak kenka sadiay;+ ket mangalaakto iti espiritu+ nga adda kenka ket ikabilko kadakuada, ket tulongandakanto a mangibaklay iti awit dagiti umili tapno saanmo nga ibaklay, a siksika laeng.+

34 Ket ti espiritu ni Jehova+ binalkutna ni Gideon iti kasta pinuyotna ti tangguyob,+ ket naayaban nga agsangsangkamaysa dagiti Abi-ezerita+ a sumurot kenkuana.

29 Ti espiritu ni Jehova immay ita ken Jefte,+ ket isu limmasat iti Galaad ken Manases ken limmasat iti Mizpe ti Galaad,+ ket manipud Mizpe ti Galaad naglasat agingga iti annak ni Ammon.

6 Idin nagtignay kenkuana ti espiritu ni Jehova,+ iti kasta pinisangna a ginudua, no kasano a ti maysa pisangenna a guduaen ti maysa a kalakian nga urbon a kalding, ket awan a pulos ti aniaman a banag iti imana. Ket saanna nga imbaga kada amana ken inana ti inaramidna.

14 Isu, iti biangna, immay agingga idiay Lehi, ket dagiti Filisteo, iti biangda, nagdir-ida a sirarag-o idi masabetda.+ Ket nagtignay kenkuana ti espiritu ni Jehova,+ ket dagiti tali nga adda kadagiti takiagna nagbalin a kas kadagiti lienso a sinulid a nakset iti apuy,+ iti kasta nalunag dagiti griliosna manipud im-imana.

6 Ket nagtignay ken Saul ti espiritu+ ti Dios idi nangngegna dagitoy a sasao, ket bimmara unay ti ungetna.+

13 Iti kasta innala ni Samuel ti sara ti lana+ ket pinulotanna iti tengnga ti kakabsatna. Ket ti espiritu ni Jehova nangrugi nga agtignay ken David manipud iti dayta nga aldaw ken agpatpatuloy.+ Idi agangay timmakder ni Samuel ket napan idiay Rama.+

15 Ita maipaay ken Azarias nga anak ni Oded,+ naadda kenkuana ti espiritu+ ti Dios.

11 Ket ti maysa rinugianna a lagipen dagiti aldaw ti nabayagen a tiempo, ni Moises nga adipenna: “Sadino ti ayan Daydiay nangisang-at kadakuada manipud iti baybay+ agraman dagiti pastor ti arbanna?+ Sadino ti ayan Daydiay nangikabil iti unegna ti mismo a nasantuan nga espirituna?+