15 Gapuna dagiti amin nga umili napanda idiay Gilgal, ket sadiay pinagbalinda nga ari ni Saul iti sango ni Jehova idiay Gilgal. Kalpasanna nangidatagda sadiay kadagiti pakikaykaysa a sakripisio iti sango ni Jehova,+ ket sadiay nagtultuloy a nagrag-o iti napalalo ni Saul ken amin dagiti tattao ti Israel.+

13 Gapu itoy ni Samuel kinunana ken Saul: “Nagtignayka a simamaag.+ Saanmo a sinalimetmetan ti bilin+ ni Jehova a Diosmo nga imbilinna kenka,+ agsipud ta, no sinalimetmetam, pinatibker koma ni Jehova ti pagariam iti Israel agingga iti tiempo a di nakedngan.

26 Ngem ni Samuel kinunana ken Saul: “Saanakto a makipagsubli kenka, ta linaksidmo ti sao ni Jehova, ket laksidennaka ni Jehova iti panagtultuloymo nga ari iti Israel.”+

23 Ket napasamak nga, idi a ti espiritu ti Dios immay ken Saul, innala ni David ti arpa ket nagtokar babaen ti imana; ket nagin-awaan ni Saul ket naimbag dayta kenkuana, ket pimmanaw kenkuana ti dakes nga espiritu.+

7 Kamaudiananna kinuna ni Saul kadagiti adipenna: “Isapulandak iti babai a kalaingan iti pannakiuman iti espiritu,+ ket mapanakto kenkuana ket umumanak kenkuana.” Idin kinuna kenkuana dagiti adipenna: “Adtoy! Adda babai a kalaingan iti pannakiuman iti espiritu idiay En-dor.”+

4 Idin kinuna ni Saul iti agaw-awit iti armasna: “Asutem ta kampilanmo+ ket salputennak iti dayta, tapno saan koma nga umay dagitoy a di nakugit+ a lallaki ket sigurado a salputendak ket pagpalaluandak.” Ket saan idi a timmulok ti agaw-awit iti armasna,+ agsipud ta mabuteng iti kasta unay. Gapuna innala ni Saul ti kampilan ket rinugmaanna dayta.+

21 Ngem manipud idin kinalikagumanda ti maysa nga ari,+ ket ti Dios intedna kadakuada ni Saul nga anak ni Kis, maysa a lalaki iti tribu ni Benjamin,+ iti uppat a pulo a tawen.