9 Ket kinuna ni David: “Adda kadi pay asinoman a natedda iti balay ni Saul, tapno watwatek ti naayat a kinamanangngaasi+ maipaay kenkuana maipagapu ken Jonatan?”+

7 Ket kinuna kenkuana ni David: “Dika agbuteng, ta di bumurong a watwatek ti naayat a kinamanangngaasi+ maipaay kenka maipagapu ken Jonatan nga amam;+ ket isublikto kenka ti intero a talon+ ni Saul nga apongmo a lakay, ket sika mangankanto a patinayon iti tinapay iti lamisaanko.”+

10 Ket masapul a talonem ti daga maipaay kenkuana, sika ken ti annakmo ken dagiti adipenmo, ket masapul nga agurnongka, ket agserbinto dayta kas taraon maipaay kadagidiay kukua ti apoko ni apom, ket mangandanto; ngem ni met laeng Mefiboset, ti apoko ni apom, manganto a patinayon iti tinapay iti lamisaanko.”+

Ita ni Ziba addaan iti sangapulo ket lima nga annak ken duapulo nga adipen.+

13 Ket ni met laeng Mefiboset agnanaed idi idiay Jerusalem, ta patinayon a nangnangan iti lamisaan ti ari;+ ket isu pilay iti dua a sakana.+