3 Ket ti nagan ti lalaki Nabal,+ ket ti nagan ti asawana Abigail.+ Ket ti asawa a babai nasayaat ti sariritna+ ken napintas ti langana, ngem ti asawa a lalaki nagubsang ken dakes iti ar-aramidna;+ ket isu Calebita.+

2 Iti kasta nagbaon ni Joab idiay Tecoa+ ket nangala sadiay iti masirib+ a babai ket kinunana kenkuana: “Mapanka a sileleddaang, pangngaasim, ket kawesam ta bagim, pangngaasim, kadagiti kawes a pagpanes, ket dika sapsapuan ta bagim iti lana;+ ket agbalinkanto a kas iti babai ditoy nga agledleddaang iti adun nga al-aldaw gapu iti minatay.+