Watchtower ONLINE A LIBRARIA

Watchtower ONLINE A LIBRARIA

ONLINE A LIBRARIA

Deuteronomio 32:43

Baro a Lubong a Patarus ti Nasantuan a Kasuratan
- 43 Agragsakkayo, dakayo a nasnasion, agraman umilina,+
  Ta ibalesannanto ti dara dagiti adipenna,+
  Ket isupapaknanto ti pammales kadagiti kabusorna+
  Ket pudno a mangaramidto iti panangabbong maipaay iti daga ti ilina.”

Uk-ukom 9:57

Baro a Lubong a Patarus ti Nasantuan a Kasuratan
- 57 Ket ti isuamin a kinadakes dagiti lallaki ti Siquem imballatek ti Dios iti rabaw dagiti bukodda nga ulo, tapno ti lunod+ ni Jotam+ nga anak ni Jerubaal+ dumteng kadakuada.+

2 Samuel 1:16

Baro a Lubong a Patarus ti Nasantuan a Kasuratan
- 16 Kalpasanna kinuna kenkuana ni David: “Ti panagbasol iti dara maigapu kenka maiparabaw koma iti bukodmo nga ulo,+ agsipud ta ti bukodmo a ngiwat nangpaneknek maibusor kenka,+ a kinunana, ‘Siak silalawag a pinapatayko ti pinulotan ni Jehova.’”+

1 Ar-ari 2:37

Baro a Lubong a Patarus ti Nasantuan a Kasuratan
- 37 Ket mapasamakto nga iti aldaw ti iruruarmo ken no bumallasiwka iti naapres a ginget ti Kidron,+ di agbiddut nga ammuem a mataykanto a di bumurong.+ Ti panagbasol iti dara gapu kenka maiparabawto iti mismo nga ulom.”+

Salmo 7:16

Baro a Lubong a Patarus ti Nasantuan a Kasuratan
- 16 Ti pakariribukanna agsublinto iti rabaw ti bukodna nga ulo,+
  Ket iti rabaw ti kuppokuppona bumabanto ti bukodna a kinaranggas.+

Salmo 55:23

Baro a Lubong a Patarus ti Nasantuan a Kasuratan
- 23 Ngem sika, O Dios, ipababamto ida agingga iti kababaan nga abut.+
  No maipapan kadagiti nakabasol iti dara ken manangallilaw a tattao, saandanto nga agbiag iti kagudua ti al-aldawda.+
  Ngem no maipapan kaniak, agtalekakto kenka.+

Salmo 94:23

Baro a Lubong a Patarus ti Nasantuan a Kasuratan
- 23 Ket isublinanto kadakuada ti panangpasakitda+
  Ket pagulimekennanto ida babaen iti bukodda a pangdidigra.+
  Ni Jehova a Diostayo pagulimekennanto ida.+

Proverbio 5:22

Baro a Lubong a Patarus ti Nasantuan a Kasuratan
- 22 Dagiti bukodna a biddut tiliwendanto daydiay nadangkes,+ ket isu matengngelto kadagiti tali ti bukodna a basol.+

Proverbio 28:17

Baro a Lubong a Patarus ti Nasantuan a Kasuratan
- 17 Ti tao a napadagsenan iti panagbasol iti dara maipuon iti maysa a kararua agkamangto a mismo uray iti abut.+ Isu saanda koma a tenglen.