1 Idi punganay,+ ti Dios+ pinarsuana+ ti langlangit ken ti daga.+

17 Ta ni Jehova a Diosyo isu ti Dios dagiti didios+ ken Apo ti ap-appo,+ ti Dios a naindaklan, nabileg ken nakaam-amak,+ nga awan tratuenna buyogen ti panangidumduma+ ket saan met nga umawat iti pasuksok,+

3 Siasinoman nga adda kadakayo manipud intero nga ilina, adda koma kenkuana ti Diosna.+ Gapuna sumang-at koma idiay Jerusalem, nga adda idiay Juda, ket bangonenna manen ti balay ni Jehova a Dios ti Israel—isu ti pudno a Dios+—nga adda idi idiay Jerusalem.+

47 Ti ari simmungbat ken Daniel ket kinunana: “Pudno unay a ti Diosyo ket Dios dagiti didios+ ken Apo ti ar-ari+ ken Manangipalgak kadagiti palimed, agsipud ta nabaelam nga ipalgak daytoy a palimed.”+

34 “Ket iti ngudo dagiti aldaw+ siak, ni Nabucodonosor, intangadko dagiti matak sadi langit,+ ket ti bukodko a pannakaawat nangrugi nga agsubli kaniak; ket binenditok ti Kangatuan a mismo,+ ket indaydayawko ken intan-okko Daydiay sibibiag agingga iti tiempo a di nakedngan,+ agsipud ta ti panagturayna maysa a panagturay agingga iti tiempo a di nakedngan ket ti pagarianna agpaay iti kinapkaputotan.+

26 Manipud iti sanguanak adda naituyang a bilin+ nga, iti tunggal pagturayan ti pagariak, dagiti umili kasapulan nga agpigerger ken agbutengda iti sanguanan ti Dios ni Daniel.+ Ta isu ti sibibiag a Dios ken Daydiay agtalinaed agingga kadagiti tiempo a di nakedngan,+ ket ti pagarianna+ isu daydiay saanto a madadael,+ ket ti pagturayanna agnanayon.+