13 Ket adda panangipatulod iti sursurat kadagiti amin a masaksakupan a distrito ti ari babaen kadagiti agitultulod,+ tapno talipuposen, tapno papatayen ken tapno dadaelen amin dagiti Judio, agtutubo a lalaki kasta met ti lakay, dagidiay babassit ken babbai, iti maymaysa nga aldaw,+ iti maikasangapulo ket tallo nga aldaw ti maikasangapulo ket dua a bulan, awan sabali, ti bulan nga Adar,+ ken tapno samsamen dagiti ginam-ud kadakuada.+

10 ti sangapulo nga annak+ ni Haman+ nga anak ni Hamedata, daydiay mangbusbusor kadagiti Judio,+ pinapatayda; ngem iti samsam+ saanda nga inyunnat ti imada.

15 Ket dagiti Judio nga adda idiay Susan naguummongda met iti maikasangapulo ket uppat+ nga aldaw ti bulan nga Adar, ket nakapapatayda idiay Susan iti tallo gasut a lallaki; ngem iti samsam saanda nga inyunnat ti imada.+

16 No maipapan iti dadduma pay a Judio nga adda kadagiti masaksakupan a distrito+ ti ari, naguummongda, ket adda idi panangikanawa kadagiti kararuada,+ ken adda panangibales+ iti bagbagida kadagiti kabusorda ken panangpapatay iti pitopulo ket lima a ribu kadagidiay manggurgura kadakuada; ngem iti samsam saanda nga inyunnat ti imada,