6 ket kinunana:+

“O Jehova a Dios dagidi ammami,+ saanka aya a Dios iti langlangit,+ ket saanka aya a mangdomdominar kadagiti amin a pagarian dagiti nasion,+ ket saan aya nga adda ita imam ti bileg ken kinamannakabalin, nga awan asinoman a makapagtalinaed iti takderna maibusor kenka?+

35 Ket amin dagiti agnanaed iti daga maibilbilangda a kas awan kapapay-anna,+ ket isu agar-aramid maitunos iti bukodna a pagayatan iti tengnga ti buyot ti langlangit ken dagiti agnanaed iti daga.+ Ket awan makamedmed iti imana+ wenno makapagkuna kenkuana, ‘Ania ti inar-aramidmo?’+

17 Ngarud, no ti Dios intedna kadakuada ti isu met laeng nga awan bayadna a sagut kas iti inaramidna met kadatayo a namati ken Apo Jesu-Kristo,+ siasinoak tapno kabaelak koma a lapdan ti Dios?”+

19 Kunaemto ngarud kaniak: “Apay nga agsapul pay laeng iti biddut? Ta siasino ti nakasupring iti nalawag a pagayatanna?”+