18 No di ket kanemto dayta iti sango ni Jehova a Diosmo, iti disso a piliento ni Jehova a Diosmo,+ sika ken ti anakmo a lalaki ken ti anakmo a babai ken ti adipenmo a lalaki ken ti adipenmo a babai ken ti Levita nga adda iti uneg dagiti ruanganmo; ket agrag-okanto+ iti sango ni Jehova a Diosmo iti tunggal gapuanam.

6 Ket asino a tao ti nagmula iti kaubasan ket saanna a nairugi nga usaren? Mapan koma ket agsubli iti balayna, ta amangan no matay iti bakal ket sabali a tao ti mangirugi a mangusar iti dayta.+

22 Ket nakitak nga awan ti nasaysayaat ngem ti panagrag-o ti tao kadagiti aramidna,+ ta dayta ti bingayna; agsipud ta siasino ti mangyegto kenkuana tapno kitaen no ania ti mapasamak kalpasan kenkuana?+

18 Adtoy! Ti kasayaatan a banag a nakitak a mismo, a naimnas, ket ti maysa mangan ken uminum ken makakita iti imbag iti isuamin a napinget a panagtrabahona+ nga iti dayta isu agtrabaho a sipipinget iti baba ti init iti bilang dagiti aldaw ti biagna nga inted kenkuana ti pudno a Dios, ta dayta ti bingayna.

15 Ket siak pinadayawak ti panagrag-o,+ agsipud ta ti sangatauan awanan iti nasaysayaat iti baba ti init ngem iti pannangan ken iyiinum ken panagrag-o, ket kumuyog koma dayta kadakuada iti napinget a panagtrabahoda kadagiti aldaw ti biagda,+ nga inted ti pudno a Dios kadakuada iti baba ti init.+

17 nupay, iti kinapudnona, saanna a binay-an nga awan mangsaksi iti bagina iti panagaramidna ti naimbag,+ nga inikkannakayo kadagiti tudo+ manipud langit ken kadagiti nabunga a panawen, a pinunnona a naan-anay dagiti pusoyo iti taraon ken ragsak.”+