2 Ket dagiti ili pudno nga alaendanto ida ket ipanda ida iti bukodda a lugar, ket ikutanto ida ti balay ti Israel kas sanikua iti daga ni Jehova kas ad-adipen a lallaki ken kas ad-adipen a babbai;+ ket agbalindanto a manangkautibo+ kadagidiay mangtengtengngel kadakuada kas kautibo, ket pagpasakupenda dagidiay mangdagdagdag kadakuada nga agtrabaho.+

14 Daytoy ti kinuna ni Jehova: “Dagiti di tinangdanan a trabahador ti Egipto+ ken dagiti komersiante ti Etiopia ken dagiti Sabeo,+ natatayag a lallaki,+ umaydanto kenka a mismo, ket agbalindanto a kukuam.+ Iti likudam magnadanto; umaydanto a sigigrilios,+ ket agruknoydanto kenka.+ Agkararagdanto kenka, a kunkunada, ‘Pudno a ti Dios naikaykaysa kenka,+ ket awanen ti sabali; awan ti sabali a Dios.’”+

19 O Jehova a pigsak ken salindegko, ken disso a pagkamangak iti aldaw ti rigat,+ dagiti met laeng nasion umaydanto kenka manipud kadagiti ungto ti daga,+ ket kunaendanto: “Kinapudnona dagidi ammami inikutanda ti bin-ig a kinaulbod,+ kinaubbaw ken bambanag a kadagita awan ti pakagunggonaan.”+