3 Ket bendisionakto dagidiay mangbendision kenka, ket ti mangidawdawat ti pakadaksam ilunodkonto,+ ket amin a pampamilia iti daga pudno unay a bendisionandanto ti bagbagida babaen kenka.”+

8 Daytoy ti kinuna ni Jehova: “Iti tiempo ti naimbag a nakem sinungbatanka,+ ket iti aldaw ti pannakaisalakan tinulonganka;+ ket sinalsaluadanka tapno maitedka a kas maysa a tulag maipaay kadagiti tattao,+ tapno maipulang ti daga iti sigud a kasasaadna,+ tapno iyeg ti panangtagikua manen iti nalangalang a pagtatawidan a sansanikua,+

34 “Kalpasanna kunaento ti ari kadagidiay adda iti makannawanna, ‘Umaykayo, dakayo a binendisionan ni Amak,+ tawidenyo+ ti pagarian+ a naisagana kadakayo manipud iti pannakabangon ti lubong.+

16 “Ket addaanak iti sabsabali a karnero,+ nga awan iti daytoy a pagyaponan;+ masapul met nga iyegko dagidiay, ket imdengandanto ti timekko,+ ket agbalindanto a maymaysa nga arban, maymaysa a pastor.+

13 Ngem adda baro a langlangit+ ken baro a daga+ nga ur-urayentayo sigun iti karina, ket kadagitoy agtaeng ti kinalinteg.+

9 Kalpasan dagitoy a banag nakitak, ket, adtoy! maysa a dakkel a bunggoy,+ nga awan ti tao a nakabael a mangbilang, manipud kadagiti amin a nasion+ ken kadagiti tribu ken kadagiti ili+ ken kadagiti pagsasao,+ a sitatakderda iti sanguanan ti trono+ ken iti sanguanan ti Kordero, a sikakawesda kadagiti puraw a pagan-anay;+ ket adda sangsanga ti palma+ kadagiti imada.