7 Adtoy! Dagiti mismo a bannuarda imkisda iti kalsada; dagiti mismo a mensahero ti kappia+ agsangitdanto a sipapait.

19 O bagbagisko, bagbagisko! Agrigrigatak iti nakaro kadagiti diding ti pusok.+ Ti pusok naariwawa iti unegko.+ Saanak a makapagulimek, ta ti uni ti tangguyob isu ti nangngeg ti kararuak, ti alarma a pagilasinan iti gubat.+

26 O anak a babai ti ilik, agbarikeska iti tinakpil+ ket agiladka iti dapdapo.+ Agleddaangka a kas iti panagleddaang iti kakaisuna nga anak, ti panagdung-aw ti kinapait;+ agsipud ta giddato a ti manangagaw dumtengto kadatayo.+

9 O no ti ulok dandanum koma, ket dagiti matak ubbog koma ti lulua!+ Iti kasta makapagsangitak iti aldaw ken rabii gapu kadagidiay napapatay iti anak a babai ti ilik.+

8 Maigapu itoy agdung-aw ken aganug-ogakto;+ magnaakto a sakasaka ken lamolamo.+ Mangaramidakto iti panagdung-aw a kas kadagiti chacal, ken panagleddaang a kas kadagiti kabaian nga abestrus.