2 Ket dagiti ili pudno nga alaendanto ida ket ipanda ida iti bukodda a lugar, ket ikutanto ida ti balay ti Israel kas sanikua iti daga ni Jehova kas ad-adipen a lallaki ken kas ad-adipen a babbai;+ ket agbalindanto a manangkautibo+ kadagidiay mangtengtengngel kadakuada kas kautibo, ket pagpasakupenda dagidiay mangdagdagdag kadakuada nga agtrabaho.+

41 “Adtoy! Ti maysa nga ili um-umay manipud iti amianan; ket ti maysa a dakkel a nasion+ ken ti met laeng naindaklan nga ar-ari+ magutugotdanto manipud iti kaadaywan a paspaset ti daga.+

7 Ti Babilonia maysa idi a nabalitokan a kopa iti ima ni Jehova,+ a barbartekenna ti intero a daga.+ Manipud iti arakna imminum dagiti nasion.+ Dayta ti makagapu a dagiti nasion agtultuloyda nga agtignay a simamauyong.+

8 Agsipud ta sika inagawam ti adu a nasion, amin dagidiay nabatbati kadagiti ili agawandakanto,+ gapu iti panangibukbok iti dara ti sangatauan ken ti kinaranggas iti daga, ti ili ken amin dagidiay agnanaed iti dayta.+