15 “Ket mapasamakto a no saanka nga umimdeng iti timek ni Jehova a Diosmo babaen ti panagannad a mangaramid iti amin a bilbilinna ken paglinteganna nga ibilbilinko kenka ita nga aldaw, dumtengto met kenka amin dagitoy a lunod ket kamakamendaka:+

29 Ti tao a maulit-ulit a matubngar+ ngem mangpatpatangken iti lengngesna+ matukkolto a kellaat, ket dayta awanan pannakapaimbag.+

15 “Daytoy ti kinuna ni Jehova ti buybuyot, ti Dios ti Israel, ‘Adtoy ipagtengko iti daytoy a siudad ken kadagiti amin a siudadna ti isuamin a didigra a sinaok maibusor iti dayta, agsipud ta pinatangkenda ti lengngesda tapno saanda nga agtulnog iti sasaok.’”+

17 “Gapuna daytoy ti kinuna ni Jehova, ti Dios ti buybuyot, ti Dios ti Israel, ‘Adtoy ipagtengko iti Juda ken kadagiti amin nga agnanaed iti Jerusalem ti isuamin a didigra a sinaok maibusor kadakuada,+ gapu ta nagsaoak kadakuada ngem saanda nga immimdeng, ket immaw-awagak kadakuada ngem saanda a simmungbat.’”+