19 ken tapno saanmo nga itangad dagiti matam iti langlangit ket pudno a makitam ti init ken ti bulan ken dagiti bituen, ti isuamin a buyot ti langlangit, ket pudno a masulisogka ket agruknoyka kadakuada ken agserbika kadakuada,+ isuda a biningaybingay ni Jehova a Diosmo kadagiti amin nga ili iti sirok ti intero a langlangit.+

18 Ti annak agpidpidutda kadagiti ruting ti kayo, ket dagiti amma paspasgedanda ti apuy, ket ti assawa a babbai aggamgamayda iti bellaay nga arina tapno mangaramidda kadagiti tinapay a sakripisio iti ‘reyna ti langlangit’;+ ket adda panagibuyat iti datdaton nga inumen+ kadagiti sabali a didios iti panggep a panangrurod kaniak.+