26 Nupay kasta, saan a nagbaw-ing ni Jehova manipud iti dakkel a panaggil-ayab ti ungetna, a babaen iti dayta simged ti ungetna maibusor iti Juda+ gapu iti amin a makaparurod a bambanag a kadagita a napaglabsing ida ni Manases.+

13 Kasta met, iti isuamin a tiempo siak met laeng Daydiay;+ ket awan asinoman a makaipaay iti pannakaispal manipud iti bukodko nga ima.+ Agaktiboakto,+ ket siasino ti makaibaw-ing iti dayta?”+

10 Daydiay a manipud punganay ibagbagana ti pagnguduan,+ ken manipud iti nabayagen a tiempo ti bambanag a saan pay a naaramid;+ Daydiay agkunkuna: ‘Ti pammatigmaanko agtalinaedto,+ ket isuamin a pakaragsakak aramidekto’;+

14 Siak, ni Jehova, sinaok.+ Masapul a dumteng dayta,+ ket agtignayakto. Saanakto nga agliway,+ saanakto met a maasian+ wenno uray agladingit.+ Maitunos iti daldalanmo ken maitunos kadagiti pannakilangenmo sigurado nga ukomendakanto,’+ kuna ti Soberano nga Apo Jehova.”