20 Ti tao nga addaan matalek nga ar-aramid makagun-odto iti adu a bendision,+ ngem daydiay aggangganat a makagun-od iti kinabaknang saanto nga agtalinaed nga awanan basol.+

23 Dagiti prinsipem nasungitda ken kakadua dagiti mannanakaw.+ Tunggal maysa kadakuada ket managayat iti pasuksok+ ken manangkamakam kadagiti sagut.+ Maipaay iti awan amana nga ubing saanda a mangukom; ket uray ti legal a kaso ti balo a babai saan a maawat kadakuada.+

27 No kasano a ti maysa a tangkal napno kadagiti agtaytayab a parsua, kasta a dagiti balayda napno iti panangallilaw.+ Dayta ti makagapu a nagbalinda a dakkel ket nakagun-odda iti kinabaknang.+

4 Adtoy! Dagiti tangdan a maiparbeng kadagiti trabahador a nagani iti taltalonyo ngem inggawidyo,+ agtultuloyda nga agpukpukkaw,+ ket dagiti asug maipaay ti tulong+ iti biang dagiti managani nakastrekda kadagiti lapayag+ ni Jehova ti buybuyot.